Շրի Լանկայում վառելիքը սպառվում է. հասարակական տրանսպորտը դադարել է աշխատել։ Այս մասին կիրակի հայտարարել է երկրի էներգետիկայի նախարար Կանչանա Վիժեսեկարան, գրում է AFP-ը։
Նա նշել է, որ երկրում բենզինի պաշարները կազմում են մոտ 4000 տոննա։
«Բենզինի հաջորդ մատակարարումը սպասվում է հուլիսի 22-23-ին։ Մենք կապ ենք հաստատել այլ մատակարարների հետ, սակայն չենք կարող հաստատել նոր առաքումները մինչեւ 22-ը»,-ասել է Վիժեսեկարան։
Խանութների մեծ մասը փակվել է կիրակի օրը, եւ ակնկալվում է, որ իրավիճակը կվատթարանա։
