News
Լրահոս
News
Չորեքշաբթի
Օգոստոս 17
USD
405.96
EUR
412.94
RUB
6.7
Տեսնել լրահոսը

Մեդիա նախաձեռնությունների կենտրոնը և Դոյչե Վելլե Ակադեմիան հուլիսի 1-ին ներկայացրին Մեդիա կառավարման առցանց դպրոց ուսումնական ծրագիրը։ Ըստ ծրագրի, մինչև 2023-ի գարուն նախատեսվում է ունենալ 3 դպրոց, 20-ական մասնակցով։

Միջոցառմանը մասնակցում էին ԵՄ պատվիրակության ղեկավար, դեսպան Անդրեա Վիկտորինը, Դոյչե Վելլե Ակադեմիայի գործադիր տնօրեն Քարսթն ֆոն Նամենը, միջազգային և տեղական այլ կազմակերպությունների ներկայացուցիչներ։

«Ատելության խոսքն ու կեղծ լուրերն այսօր այնքան արագ են տարածվում սոցիալական մեդիաներով, և շատ մարդիկ իրենց պատասխանատու չեն համարում այդ հարցում: Այսպիսով, առավել քան երբևէ կարևոր է ունենալ թափանցիկ, վստահելի և փաստերը ստուգող լրատվամիջոցներ։ Դա է պատճառը, որ մենք որոշեցինք նախագծել այս մեծ ծրագիրը։ Հաջողություն եմ մաղթում Մեդիա կառավարման առցանց դպրոցին»,- իր ողջույնի խոսքում նշեց ԵՄ պատվիրակության ղեկավար, դեսպան Ն.Գ. տկն. Անդրեա Վիկտորինը։

«Չափազանց կարևոր է այն աշխատանքը, որ մենք տանում ենք լրատվամիջոցների կայունության, փաստերի ստուգման ու վստահելի լրագրության հարցերում: Հետևաբար, մենք պետք է միավորենք նրանց, որոնք համակարծիք են, որոնք հավատում են ավելի լավ հասարակություն ունենալու գաղափարին», - նշեց Դոյչե Վելլե Ակադեմիայի գործադիր տնօրեն Քարսթն ֆոն Նամենը:

Ըստ ծրագրի, մինչև 2023-ի գարուն նախատեսվում է ունենալ 3 դպրոց, 20-ական մասնակցով։ Դասավանդում են տեղացի մասնագետներ, որոնք հատուկ վերապատրաստում են անցել Դոյչե Վելլե Ակադեմիայի օնլայն ուսուցման մեթոդաբանությամբ։ Ամենշաբաթյա դասերից բացի, կազմակերպվում են նաև լրացուցիչ հանդիպումներ Հայաստանից և արտերկրից բանախոսների և հյուրերի հետ։

ՄՆԿ գործադիր տնօրեն Նունե Սարգսյանի խոսքով՝ այսօր բոլոր մեդիա մենեջերներն առաջին հերթին ճգնաժամային մենեջերներ են, քանի որ նրանց այդքան ժամանակ և հնարավորություն չի տրվում դառնալ զարգացման մենեջեր։ «Ուստի ես հուսով եմ, որ մեդիակառավարման առցանց դպրոցը բոլոր հնարավորությունները կտա զարգացման մենեջեր դառնալու համար»,- նշեց նա։

Առաջին դպրոցն արդեն մեկնարկել է, դրանում ընդգրկված են մեդիայի ներկայացուցիչներ Երևանից և մարզերից։ Առցանց դպրոցի կրթական ծրագիրը նպատակ ունի զարգացնել հմտություններ լրատվամիջոցների առաջխաղացման ռազմավարության, մարքեթինգի, նախագծերի ստեղծման, ռեսուրսների և ֆինանսների կառավարման ոլորտներում։ Դրանք կարևոր են ինչպես մեդիա բիզնեսի ընթացիկ պլանավորման, այնպես էլ՝ թվային միջավայրի փոփոխություններին արձագանքելու համար։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Հայաստանն զբաղեցրել է 51-րդ տեղը «Մամուլի ազատության համաշխարային ինդեքսում»
Հայաստանը «Մամուլի ազատության համաշխարհային ինդեքսում 51-րդն է...
Հայաստանում կտրուկ աճել է լրագրողների հանդեպ ֆիզիկական բռնության դեպքերի քանակը. Զեկույց
Հատկապես խնդրահարույց էին այսպես կոչված «ծանր վիրավորանքի» քրեականացումը, վիրավորանքի ու զրպարտության համար քաղաքացիական...
Facebook-ը հեռացրել է Աֆղանստանի պետական ​​լրատվամիջոցների օգտահաշիվները
Թեեւ Meta ընկերությունը չի տրամադրել արգելված լրատվամիջոցների ցանկը, այնուամենայնիվ Աֆղանստանի ազգային ռադիո հեռուստատեսությունը (RTA) եւ պետական ​​«Բախթար» լրատվական գործակալությունը հայտարարել են, որ իրենց օգտահաշիվներն արգելափակված են:
Թուրքմենստանում արգելափակել են ռուսական բոլոր լրատվական կայքերը
Նա նշել է, որ դրանից քիչ առաջ արգելափակվել են ադրբեջանական, ղազախական եւ ղրղըզական լրատվական կայքերը․․․
Բայդենն ասել է, որ Սաուդյան Արաբիայի թագաժառանգ արքայազնի հետ հանդիպմանը բարձրարցել է Խաշոգջիի սպանության հարցը
Լրագրող Թեհմինե Ենոքյանի հաղորդման հիման վրա նախաձեռնվել է քրեական վարույթ. ձերբակալվել է նախկին նշանածը
Երևան քաղաքի բնակչուհի Ենոքյանը հաղորդում է ներկայացրել այն մասին, որ 2022թ. հունիսի 29-ին ․․․
Ամենաշատ
Ֆոտոռեպորտաժներ