Չինական Xiaomi ընկերությունը ներկայացրել է Xiaomi MiGu գլխակապ, որը թույլ կտա օգտատերերին մտքի ուժով կառավարել խելացի տունը, տեղեկացրել է ITHome պորտալը։
MiGu Headband-ը նախագիծ է, որը հաղթել է Xiaomi Group-ի երրորդ օնլայն հաքաթոնում։ Սարքը թույլ կտա օգտատերերին ոչ միայն կառավարել խելացի տունը ուղեղային ալիքների օգնությամբ, այլեւ կկարողանա հետեւել, թե արդյոք հոգնածություն կա վարելու ժամանակ։
MiGu Headband-ի ստեղծողները գլխակապի վրա տեղադրել են երեք սարք, որոնք հաշվարկում են ուղեղի ուղարկած էլեկտրական ազդանշանները։ Գաջեթը կարող է օգտատիրոջ էլեկտրաէնցեֆալոգրաֆիա կատարել։
Չի տեղեկացվել, սակայն, թե արդյոք Xiaomi MiGu Headband-ը կհանվի վաճառքի։