Սաուդյան Արաբիան սեպտեմբերին կբարձրացնի արտահանվող նավթի գինը ԱՄՆ-ի եւ ասիական երկրների գնորդների համար, հայտնում է Dow Jones-ը՝ հղում տալով պետական Saudi Aramco ընկերության տարածած մամուլի հաղորդագրությանը:
Ասիա մատակարարվող Arab Light-ի արժեքը մեկ բարելի դիմաց կաճի 0,5 դոլարով։ Արդյունքում այն կարժենա 9,8 դոլար մեկ բարելի դիմաց։ Arab Extra Light-ի գինը կբարձրանա 30 ցենտով:
Գնաճն ավելի քիչ է, քան սպասում էին վերլուծաբանները, նշել է Bloomberg-ը։
ԱՄՆ արտահանվող Arab Light-ի գները նույնպես կաճեն՝ 50 ցենտով։
Միեւնույն ժամանակ, հյուսիսարեւմտյան Եվրոպայի եւ միջերկրածովյան գնորդների համար գները կնվազեն համապատասխանաբար 60 եւ 40 ցենտով, ինչը կհանգեցնի Brent-ի պրեմիումի մեկ բարելի դիմաց 4,7 դոլարի:
