Գյումրիի Տրդատ Ճարտարապետ փողոցում նախորդ տարվանից հայտնված ջրափոսների խնդիրը լուծում չի ստանում։ Այս մասին NEWS.am-ի հետ զրույցում ասաց իրավապաշտպան Կարապետ Պողոսյանը։

«Անցած տարի քանդել էին ջրմուղն անցկացնելու համար, բայց հետո չեն ծածկել։ Ես դիմել եմ անձամբ քաղաքապետին եւ այլ պաշտոնյաների, սակայն ոչ մի արձագանք։ Հասկանալի, որ ասֆալտապատումը բարդ է, բայց գոնե կարելի է հարթեցում անել։ Անգամ ռուս տուրիստներն են աղմուկ բարձրացրել այս հարցով»,- նշեց Պողոսյանը։