Հնդկաստանն արգելափակել է Ադրբեջանի՝ որպես հյուր, մասնակցությունը ԲՐԻՔՍ-ի առաջիկա գագաթաժողովին։ Այս մասին Twitter-ի միկրոբլոգում գրել է հույն լրագրող Փոլ Անտոնոպուլուսը։
«Ադրբեջանն այնքան թշնամական չէ Հնդկաստանի նկատմամբ, որքան Հունաստանի նկատմամբ, բայց նրանք զրոյական հանդուրժողականություն ունեն ագրեսորների նկատմամբ։ Մինչդեռ Հունաստանի կառավարությունը ձեւացնում է, թե Ադրբեջանը լիբերալ հակաթույն է Ռուսաստանի համար»,- գրել է Անտոնոպուլուսը։
Այս տարի Բաքուն ԲՐԻՔՍ-ի գագաթաժողովին հյուր լինելու հրավեր էր ստացել, որի անդամներ են Բրազիլիան, Ռուսաստանը, Հնդկաստանը, Չինաստանը եւ Հարավային Աֆրիկան։ Դրան դրականորեն արձագանքեցին Մոսկվան, Պեկինը, Պրետորիան, Բրազիլիան, սակայն Նյու Դելին դեմ հանդես եկավ։