News
Լրահոս
News
Երեքշաբթի
Հոկտեմբեր 04
USD
406.22
EUR
397.24
RUB
7.09
Տեսնել լրահոսը

2022թ. օգոստոսի 15֊ին, ժամը 22:26-ին, ժամը 22:42-ին եւ ժամը 22:55-ին, ՀՀ ոստիկանության օպերատիվ կառավարման կենտրոն եւ 911 ծառայություն զանգահարել է մի քաղաքացի եւ տեղեկություն փոխանցել այն մասին, որ 25 րոպեի ընթացքում պատրաստվում է պայթեցնել ՀՀ Ազգային ժողովի շենքը, կպայթեցնի ազգային տեսչությունը եւ հարկայինի շենքը: Այս մասին հայտնում է Դատախազությունը։

Բացի այդ, 2022թ. օգոստոսի 16-ին ժամը 12:06-ին եւ ժամը 12:08-ին ՀՀ ոստիկանության օպերատիվ կառավարման կենտրոն եւ 911 ծառայություն նույն հեռախոսահամարից անձը կրկին տեղեկատվություն է հայտնել այն մասին, որ 5 «էկվադիտ» է տեղադրել հարկայինի մոտ եւ եթե 20 րոպեում իրեն չմոտենան, իրեն շենքի հետ միասին կպայթեցնի: 

Հիշյալ ահազանգերն ստուգելու նպատակով ոստիկանության կողմից ՀՀ պետական եկամուտների կոմիտեի Շիրակի վարչության աշխատակիցները տարհանվել են, ոստիկանության ու ՀՀ ԱԻՆ հրշեջ փրկարարական ջոկատի աշխատակիցների կողմից կատարվել են ստուգուման միջոցառումներ, որի արդյուքնում պարզվել է, որ հայտնված տեղեկություններն իրականությանը չեն համապատասխանում:

Դեպքերի առնչությամբ ՀՀ քննչական կոմիտեի Շիրակի մարզային քննչական վարչությունում նախաձեռնվել են քրեական վարույթներ, որոնք միացվել են:

Ձեռնարկված օպերատիվ միջոցառումների արդյունքում պարզվել է, որ կեղծ տեղեկություններ հայտնող անձը Գյումրի քաղաքի բնակիչ Ջ.Ս.-ն է, ով նույն օրը՝ օգոստոսի 16-ին, երեկոյան, ձերբակալվել է:

Հսկող դատախազի կողմից օգոստոսի 17-ին որոշում է կայացվել Ջ.Ս.-ի նկատմամբ ՀՀ քրեական օրենսգրքի 314-րդ հոդվածի 1-ին մասով եւ 314-րդ հոդվածի 2-րդ մասի 1-ին կետով քրեական հետապնդում հարուցելու մասին՝ այն բանի համար, որ նա հայտնել է ահաբեկչության մասին սուտ տեղեկություն, ինչի արդյունքում ստեղծվել է սարսափի մտնոլորտ, առաջացել խուճապ, որը տեւական ժամանակ կազմալուծել է ՀՀ պետական եկամուտների կոմիտեի Շիրակի վարչության գործունեությունը:

Օգոստոսի 18-ին նրա նկատմամբ կալանքը որպես խափանման միջոց ընտրելու մասին միջնորդություն է ներկայացվել Շիրակի մարզի ընդհանուր իրավասության դատարան, որը նույն օրը բավարարվել է:

Հաշվի առնելով վերջին շրջանում նմանատիպ բնույթի կեղծ տեղեկություններ հայտնելու դեպքերի աճը՝ ՀՀ գլխավոր դատախազությունը խստորեն զգուշացնում է զերծ մնալ հաղորդակցության ցանկացած միջոցով ահաբեկչության մասին սուտ տեղեկություններ հայտնելու փորձերից, որոնք ժամանակավորապես կազմալուծում են կոնկրետ հաստատությունների բնականոն աշխատանքը, ստեղծում հասարակական միջավայրում վախի, խուճապի տրամադրություններ, խաթարում հասարակական կյանքի կենսագործունեությունը: Բոլոր նման դրսեւորումները, լինելով քրեորեն պատժելի, ենթարկվելու են մանրակրկիտ քննության: Ձեռանրկվելու են բոլոր միջոցները՝ այդ թվում նաեւ անհրաժեշտության դեպքում կիրառելով քրեական վարույթներով իրավական փոխօգնության իրավական ընթացակարգերն ու միջազգային համագործակցության լծակները, հանցավորներին հայտնաբերելու եւ անխուսափելիորեն քրեական պատասխանատվության ենթարկելու ուղղությամբ:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Մեկ օրում բացահայտվել է 52 հանցագործության դեպք. Խարդախություն, ապացույցների կեղծում, բռնության հրապարակային կոչեր
Օպերատիվ իրավիճակը հանրապետությունում հոկտեմբերի 3-ից 4-ը...
Խոշոր հրդեհ՝ Ստեփանակերտում. Կանչի վայրում աշխատել է 3 մարտական հաշվարկ
Բնակչությանն օգնություն ցուցաբերելու և հրդեհային վտանգը ժամանակին կանխելու համար, կանչի վայր է մեկնել ԱԻ ծառայության...
Բրիտանիայում ուսուցչին աշխատանքից ազատել են դասերի ժամանակ 74 անգամ պոռնոկայքեր դիտելու համար
Տղամարդը խոստովանել է, որ իսկապես մտել է նման վեբ-ռեսուրսներ եւ փորձել է թաքցնել ապացույցները․․․
Երեխան ձեռքը մտցրել է էլեկտրական մսաղացի մեջ․ դաստակի եւ մատների անդամահատում է կատարվել. ԲԿ
Տնային պայմաններում պահածո պատրաստելու ժամանակ երեխան ձեռքը մտցրել է…
Ոստիկանները մարզերում հայտնաբերել են 2960 խախտում. 15 մեքենա չի ունեցել ԱՊՊԱ պայմանագիր, 35 վարորդ եղել է ոչ սթափ
Անվտանգ ճանապարհային երթևեկություն ապահովելու նպատակով ՃՈ 2-րդ...
Դրոնով փորձել են բջջային հեռախոսներ հասցնել «Արթիկ» ՔԿՀ, բայց չի հաջողվել
Հոկտեմբերի 2-ին՝ ժամը 11։30-ի սահմաններում, Հայաստանի Հանրապետության...
Ամենաշատ