Փիլիսոփա Ալեքսանդր Դուգինի դստեր՝ լրագրող Դարյա Դուգինի մեքենայի պայթյունի փաստով սպանության դեպքի առթիվ քրեական գործ է հարուցվել, իր տելեգրամյան ալիքում հայտնել է Ռուսաստանի Դաշնության քննչական կոմիտեն։
«Օգոստոսի 20-ին՝ ժամը 21:00-ի սահմաններում, Օդինցովո քաղաքային թաղամասում Բոլշիե Վյազեմի գյուղի մերձակայքում՝ մայրուղու վրա գործարկվել է պայթուցիկ սարքը, որը ենթադրաբար տեղադրված է եղել Toyota Land Cruiser-ում: Մեքենան ամբողջ արագությամբ դուրս է եկել մայրուղուց եւ բռնկվել. վարորդը տեղում մահացել է։ Մահացածի ինքնությունը պարզվել է. դա լրագրող, քաղաքագետ Դարյա Դուգինան է»,- ասվում է հաղորդագրության մեջ։
Նշվում է, որ դեպքի վայրի զննությունը շարունակվում է, որի արդյունքներով կնշանակվեն մի շարք փորձաքննություններ, այդ թվում՝ դատաբժշկական, պայթուցիկ նյութերի, մոլեկուլային գենետիկայի։ Քննարկվում են բոլոր հարավոր վարկածները։
Ինչպես ավելի վաղ տեղեկացրել էինք՝ մեքենայի պայթյունի հետեւանքով մահացել է լրագրող, քաղաքագետ Դարյա Դուգինան, ով շաբաթ օրը հոր՝ Ալեքսանդր Դուգինի հետ ներկա էր գտնվել «Ավանդույթ» հայրենասիրական փառատոնին։
