Որպես անձ ճանաչում եմ, նորմալ զինվորական է: Այս մասին, այսօր՝ սեպտեմբերի 2-ին, Ստեփանակերտում լրագրողների հետ զրույցում նշեց Արցախի ՆԳ նախարար Կարեն Սարգսյանը՝ անդրադառնալով ՊԲ նախկին հրամանատար Միքայել Արզումանյանի կալանավորմանը, որը մեղադրվում է Շուշին հանձնելու մեջ:
Անդրադառնալով Արցախը Հայաստանին կապող նոր ճանապարհին, նա ասաց. «Այս ճանապարհը, իմ տեղեկությամբ գործելու է մինչեւ մայիս, նոր ճանապարհ է կառուցվում, որի աշխատանքներն սկսվել են»:
Հարցին, թե ոորոշակի անվտանգության երաշխիքներ ստացե՞լ եք Ադրբեջանից, որ այդ ճանապարհն անվտանգ է լինելու, նա պատասխանեց. «Այդ հարցն ուղղված է խաղաղապահի զորքերի ղեկավարությանը, ես ոնց կարող եմ այդ հարցերին պատասխանել, ես միայն ներքին անվտանգության մասին կարող եմ խոսել»:
Ինչ վերաբերում է Արցախում տիրող տրամադրություններին, ըստ որի, մարդիկ հույս են կապում Ռուսաստանին միանալու հետ, Կարեն Սարգսյանն ասաց. «Մենք այստեղ ապրելով, Արցախը պետք է լինի հայեցի, ոչ մեկի հետ հույս չենք կապում: Իսկ Հայաստանի հետ խնդիր չենք տեսնում, մենք միասնական ենք: Իմ ոլորտի մասով կարող եմ ասել, որ Հայաստանի իմ կոլեգաների հետ համագործակցությունը բարձր մակարդակի վրա, ինչի համար շնորհակալ եմ: Կարծում եմ՝ ամեն բան լավ է լինելու, եթե լինենք միասնական»:
