News
Լրահոս
News
Երեքշաբթի
Փետրվար 27
Տեսնել լրահոսը

ՄԱԿ-ի գլխավոր քարտուղար Անտոնիո Գուտերեշը Մարդու իրավունքների հաջորդ գերագույն հանձնակատարի պաշտոնում կառաջադրի ավստրիացի Ֆոլքեր Թուրքիի թեկնածությունը, հայտնում է Reuters-ը։

Թուրքիին, որն այժմ ՄԱԿ-ի գլխավոր քարտուղարի քաղաքականության հարցերով տեղակալն է, կփոխարինի չիլիացի Միշել Բաչելետը, որի պաշտոնավարման ժամկետը լրացել է օգոստոսի 31-ին։ Այս նշանակումը պետք է հաստատի Նյու Յորքում ՄԱԿ-ի Գլխավոր ասամբլեան։

Դիվանագետների խոսքով՝ ՄԱԿ-ի Գլխավոր ասամբլեան, որը բաղկացած է 193 անդամներից, հավանաբար հինգշաբթի ավելի ուշ կհաստատի Թուրքիի նշանակումը:

Այս պաշտոնի մյուս թեկնածուների թվում էին Արգենտինայից պրոֆեսիոնալ դիվանագետ Ֆեդերիկո Վիլեգասը եւ Սենեգալից Ադամա Դիենգը, որը նախկինում Գուտերեշին խորհրդատվություն է տրամադրել ցեղասպանությունների կանխարգելման հարցերով:

Մարդու իրավունքների միջազգային ծառայության գործադիր տնօրեն Ֆիլ Լինչն ասել է, որ Թուրքիի ընտրության հարցում թափանցիկություն կամ խորհրդակցություն չի եղել անկախ քաղաքացիական հասարակության հետ:

«Գլխավոր քարտուղարը բաց է թողել հաջորդ Գերագույն հանձնակատարի լեգիտիմությունն ու վստահելիությունը ամրապնդելու առանցքային հնարավորությունը»,- ասել է նա:

Սովորաբար Գուտերեշը խորհրդակցում է ՄԱԿ-ի Անվտանգության խորհրդի մշտական անդամների՝ Չինաստանի, Ֆրանսիայի, Ռուսաստանի, Մեծ Բրիտանիայի եւ Միացյալ Նահանգների հետ՝ նախքան գերագույն հանձնակատար ընտրելը: Հայտնի չէ, թե արվել է արդյոք դա Թուրքիի դեպքում։

 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
2020-ից մեր տարածաշրջանում շարունակաբար խախտվում են մարդու իրավունքները. Միրզոյանի ելույթը՝ ՄԱԿ-ի հանձնաժողովում
Այնուամենայնիվ, Հայաստանը հավատարիմ է խաղաղության օրակարգին և չի շեղվելու դրանից։ Համոզված ենք, որ 1991թ. Ալմաթիի հռչակագրի հիման վրա...
Արարատ Միրզոյանը ՄԱԿ ՄԻ հանձնակատարին հավաստիացրել է՝ հավատարիմ են «խաղաղության գործընթացում» սկզբունքներին
Անդրադառնալով Լեռնային Ղարաբաղում Ադրբեջանի կողմից իրականացված էթնիկ…
Ազատությունից զրկված կանանց վերարտադրողական իրավունքի վերաբերյալ ուսումնասիրությունները մեր երկրում շատ քիչ են․ ՄԻՊ
Բացման խոսքով են հանդես եկել ՀՀ մարդու իրավունքների պաշտպան Անահիտ…
Գուտերեշը դժգոհ է հակամարտությունների կարգավորման հարցում ՄԱԿ-ի Անվտանգության խորհրդի աշխատանքից
Նրա խոսքով, այժմ ՄԱԿ-ի Անվտանգության խորհուրդը հաճախ հայտնվում է փակուղում և չի կարողանում որոշումներ կայացնել...
Իրանի ԱԳ նախարարը Ժնևում բանակցություններ է անցկացրել ՄԱԿ-ի գլխավոր քարտուղարի հետ
Ինչպես հայտնում է լրատվամիջոցը, Իրանի ԱԳ ղեկավարը Ժնևում Գուտերեշի հետ հանիդիպել է ՄԱԿ-ի Մարդու իրավունքների խորհրդի 55-րդ նստաշրջանի շրջանակներում...
KAAN կործանիչի և հրթիռային սպառազինության համակարգերի տիրապետումը Թուրքիայի համար գոյատևման խնդիր է. Էրդողան
Հակառակ դեպքում, ոչ միջազգային իրավունքը, ոչ դաշինքները, որոնց մենք պատկանում ենք, ոչ էլ Միավորված ազգերի կազմակերպությունը (ՄԱԿ-ը), չեն կարողանա պաշտպանել մեզ մեր թշնամիներից...
Ամենաշատ