ՀԱՊԿ գլխավոր քարտուղարին տարածաշրջան ուղարկելը կազմակերպության հնարավորությունների էական օգտագործում է։ Այս մասին ամենշաբաթյա ճեպազրույցում ասել է ՌԴ ԱԳՆ պաշտոնական ներկայացուցիչ Մարիա Զախարովան։
Զախարովան նշել է, որ այս հարցը պետք է ուղղել ոչ միայն Ռուսաստանին: «Վստահ եմ, որ այդ հարցը պետք է ուղղել ոչ միայն Ռուսաստանին մեկ պարզ պատճառով. վերջին երկու տարում մեր երկիրն է հսկայական ջանքեր գործադրել՝ երկարատեւ ճգնաժամների լուծման համար»,-ասել է նա:
Նրա խոսքով՝ դա արվել է ոչ թղթի վրա, ոչ թե քաղաքական հայտարարությունների շնորհիվ, այլ տեղում՝ ներգրավելով ռուս խաղաղապահների, օգտագործելով մոսկվայի տնտեսական հնարավորությունները։
Զախարովան նշել է, որ Մոսկվան ամեն ինչ անում՝ է տարածաշրջանում լարվածությունը թուլացնելու համար․ «Տարածաշրջանում իրավիճակի սրման թեման լինելու է Սամարղանդում ՇՀԿ գագաթաժողովի շրջանակում Ռուսաստանի եւ Ադրբեջանի նախագահների բանակցությունների առանցքային թեման։ Իրավիճակը կարգավորելու ուղղությամբ զգալի քայլեր են ձեռնարկվում նաեւ ՊՆ-ի եւ Ռուսաստանի ԱԴԾ սահմանային ծառայության միջոցով։ Ռուս զինվորականները սերտ կապի մեջ են երկու կողմերի հետ՝ հրադադարի հասնելու եւ ադրբեջանական եւ հայկական զորքերը իրենց սկզբնական դիրքերին վերադարձնելու համար»։
