ՆԱՏՕ-ի նախկին գեներալը զգուշացրել է, որ դաշինքը պատրաստ չէ պատերազմել Ռուսաստանի դեմ, եթե Ուկրաինայում պատերազմը «վատթարագույն սցենարով» ընթանա։
Գեներալ սըր Ռիչարդ Շիրեֆը, որը 2011-2014 թվականներին եղել է Եվրոպայում ՆԱՏՕ-ի միացյալ ուժերի հրամանատարի տեղակալը, ասել է, որ ուկրաինական հակահարձակման «հաջողությունը» Կիեւի ռազմական աջակցության «ապացույցն» է, հատկապես ԱՄՆ-ի եւ Մեծ Բրիտանիայի կողմից:
Նրա խոսքով, դա կարող է «հզոր ազդանշան ուղարկել Կիեւի պաշտպանության հարցում դաշինքի տատանվող երկրներին», «հատկապես գերմանացիներին, որոնք չափազանց խղճուկ ն»։
Սակայն «ձեռնոցները հանելու» եւ Կիեւին զենքի մատակարարումներն «ավելացնելու» ՆԱՏՕ-ի անդամներին ուղղված իր կոչում Շիրեֆը մտավախություն ունի, որ դաշինքը չի կարողանա գործել, եթե պատերազմը դուրս գա Ուկրաինայի սահմաններից:
ՆԱՏՕ-ի անմիջական մասնակցությունը կարող է տեղի ունենալ միայն այն դեպքում, եթե նրա անդամ երկրներից մեկը հարձակման ենթարկվի, ինչը կհանգեցնի կոլեկտիվ պաշտպանության սկզբունքի՝ 5-րդ հոդվածի գործարկմանը, ինչին, Շիրեֆի խոսքով, դաշինքը պատրաստ չէ:
«Վատագույն սցենարին պատրաստ լինելը նշանակում է ռեզերվների մոբիլիզացում։ Սա նշանակում է վերականգնել կորցրած հնարավորությունները, որոնք անհետացել են տարիներ շարունակ պաշտպանական կրճատումների պատճառով: