ԵՄ-ի համար ավելի ու ավելի է բարդանում Ռուսաստանի դեմ նոր պատժամիջոցների շուրջ համաձայնության գալը, քանի որ Մոսկվային պատժելու միջոցները հարվածում են իրենց իսկ տնտեսություններին, նշում են ԵՄ աղբյուրները։
ԵՄ-ն ուկրաինական պատերազմի սկզբից ի վեր Ռուսաստանի դեմ պատժամիջոցների վեց փուլ է սահմանել։ Բայց եվրոպական տնտեսությունները, որոնց արդեն հարվածել է COVID-19 համավարակը, այժմ պայքարում են բարձր ինֆլյացիայի դեմ՝ էլեկտրաէներգիայի եւ բնական գազի գների աճի պայմաններում:
ԵՄ արտաքին քաղաքականության հարցերով գերագույն հանձնակատար Ժոզեպ Բորելը հայտարարել է, որ «Ռուսաստանը, նրա քաղաքական ղեկավարությունը եւ բոլոր նրանք, ովքեր ներգրավված են այդ հանրաքվեների կազմակերպման մեջ (ԼԺՀ, ԴԺՀ, Խերսոնի եւ Զապորոժիեի շրջաններ), ինչպես նաեւ Ուկրաինայում միջազգային իրավունքի եւ միջազգային մարդասիրական իրավունքի այլ խախտումների մեջ, պատասխանատվությաւն կենթարկվեն»։
Պատժամիջոցների հարցում տատանվում է Հունգարիան, բայց նա միակը չէ։