News
Լրահոս
News
Ուրբաթ
Դեկտեմբեր 09
USD
395.53
EUR
393.43
RUB
6.42
Տեսնել լրահոսը


Փաստ է, որ Հայաստանը գտնվում է կապիտուլյացիոն վիճակում եւ հենց այնպես չի հայտնվել այս վիճակում: Այս մասին, այսօր՝ սեպտեմբերի 27-ին, «Եռաբլուր» պանթեոնում լրագրողների հետ զրույցում նշեց ԱԺ «Հայաստան» խմբակցության ղեկավար, պաշտպանության նախկին նախարար Սեյրան Օհանյանը՝ անդրադառնալով ՀՀ առաջին նխագահ Լեւոն տեր-Պետրոսյանի նախօրդ օրը տված հարցազրույցին:

«Վերջին տարիներին իշխանության եկան մարդիկ, որոնք ձախողեցին ամեն ինչ՝ եւ բանակցային գործընթացը: 30 տարիների քրտնաճան աշխատանքը բերել էր ինչ-որ մի բանակցային ներուժի ձեւավորման, որի վրա հենվելով կարող էինք շարունակել մեր պատմությունը, բայց այդպես չստացվեց: Այդ ձախողումն է, որ բերեց պատերազմի, ունեցանք զոհեր: Պետք է ասեմ, որ զոհերի զգալի մասը կարող էր չլինել, եթե պետությունը թիկունք կանգներ բանակին, ապահովեր անվտանգություն, նաեւ մարտական գործողությունների խորքում ինժեներական սարքավորումներ կահավորեր, պաշտպանական բնագծեր կահավորել: Երկրորդը,  մենք կարող էինք ավելի շատ զոհեր ունենալ, բայց ունենալ հաղթանակ: Մեր ցավն այն է, որ մենք այս քանակի զոհերի պայմաններում ունեցել ենք պարտություն:

Այս իշխանությունները պարտությունից, կապիտուլյացիայից հետո ամբողջությամբ տապալել են արտաքին քաղաքականությունը, պաշտպանական քաղաքականությունը, բանակաշինությունը եւ ընդհանրապես պետական կառվարումը: Իհարկե, հետպատերազմյան տարիներին անհաջողությունների գործընթացները շարունակական են դարձրել: Այս պայմաններում նոյեմբերի 9-ի եւ մնացած փաստաթղթերը փաստացի կնիքն են նրա, ինչ այսօրվա իշխանությունները կատարել են»,-ասաց Սեյրան Օհանյանը:

Նա համոզմունք հայտնեց, որ այսօրվա իշխանություններն են, որ գտնվում են ճնշման, պարտադրման ներքո. «Առաջին ամենակարեւոր  պայմանը այս վիճակից դուրս գալու համար պետք է փոխել իշխանությունը, գա իշխանություն, որը կարող է արտաքին քաղաքականություն վարել, եւ մեր ներքին ազգային երաշխիքները ձեւավորել՝ բանակաշինություն, ներքին ամրապնդում եւ այլն: Արտաքին քաղաքականության մեջ փաստ է, որ պարտված իշխանությունը ճնշման ներքո է գտնվում, մեր բանակցողը մշտապես ճնշման ներքո է եւ այս պարագայում ամենակարեւոր խնդիրը  բանակցողին փոխելն է»,-ընդգծեց Սեյրան Օհանյանը:

Անդրադառնալով Լեւոն Տեր-Պետրոսյանի պնդմանը, որ բանակցողին փոխելը էական ոչինչ չի տալու, քանի որ վիճակը ծանրագույն է, Օհանյանն արձագանքեց. «Այն, որ իրավիճակը ծանրագույն է, հասկանալի է: Դե եկեք հանդուրժեք, նայենք, թե այս իշխանությունները ոնց են ամեն ինչ տանում մեր անկախության վերջնական փլուզման»:

Նա չհամաձայնեց, որ բանակցողին փոխելով ոչինչ չի փոխվի. «Այդպես չէ, կգան մարդիկ, իսկ ես գիտեմ, որ հայ ժողովուրդն ունակ է իշխանության բերել մարդկանց, որոնք ունեն ամուր բռունցք, կամք բանակցել;ու եւ կարող են այս անելանելի վիճակից դուրս գալ»:

Սեյրան Օհանյանը չցանկացավ նշել, թե ում է տեսնում այդ դերում. «Ես անձերի վրա կանգ չեմ առնի, ես գտնում եմ, որ համաժողովրդական պայքարով կարելի է գտնել մարդկանց, որոնք կարող են բերել անձնավորությունների, որոնք ունեն հմտություն, ունեն կառավարման ունակություններ, կառավարման փորձ, կամային հատկանիշներ այս վիճակից դուրս գլու համար»:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Պատրաստ ենք Ադրբեջանի հետ հարեւանություն անել, բայց անկախ կարգավիճակի հարցը չի կարող քննարկման առարկա լինել. ԱՀ նախագահ
Արցախի նախագահը շեշտել է, որ հայ ժողովուրդը նոր ցեղասպանության վտանգի առջեւ է հայտնվել, քանի որ «Արցախին միայնակ թողնելը...
Ղարաբաղում ռուս խաղաղապահների պատասխանատվության գոտում իրադրությունը շարունակում է լարված մնալ․ վարչապետ
Ուզում եմ նշել, որ մեր տարածաշրջանում գլխավոր հարցն, իհարկե, Լեռնային Ղարաբաղի կարգավորումն է...
44-օրյա պատերազմը, սեպտեմբերյան ագրեսիան ցեղասպանական մտադրությունների նշաններ են. ՄԻՊ ուղերձը
Այդ նշաններն ավելի պարզ են դառնում ադրբեջանական հանրային խոսույթի ու տրամադրությունների ուսումնասիրության փաստերով…
Երեւանի եւ Բաքվի միջեւ պայմանավորվածություն է ձեռք բերվել խաղաղության պայմանագրի միայն մեկ կետի շուրջ. Արմեն Գրիգորյան
Նա նշեց, որ «խաղաղության պայմանագրի» տեքստը երեք անգամ խմբագրվել է․․․
Հերքվում է փաստված բանը. սենյակում ամերիկյան կողմն էլ էր ներկա. Արմեն Գրիգորյանը` ի պատասխան Հաջիևի հերքման
Գրիգորյանը նշեց նաև, որ վաշինգտոնյան բանակցությունների ժամանակ հայկական կողմն իր հավանությունն է տվել այն հարցին, որ խաղաղության պայմանագիր կնքել...
Արցախի ԱԺ-ն աշխարհի բոլոր երկրների առաջարկել է դատապարտել Ադրբեջանի գործողությունները որակել որպես ցեղասպանություն
ԱԺ նախագահ Արթուր Թովմասյանը դեկտեմբերի 9-ի՝ ՄԱԿ-ի կողմից հաստատված...
Ամենաշատ