Ջորջիա Մելոնիի գլխավորած աջակողմյան կոալիցիայի հաղթանակն ընտրություններում մտահոգություն է առաջացնում Իտալիայում իրադարձությունների հետագա զարգացման կապակցությամբ։ Այս մասին հայտարարել է Նիդեռլանդների վարչապետ Մարկ Ռյուտեն։
«Իտալիան, անշուշտ, մտահոգություն է առաջացնում: Այդ կոալիցիայում կուսակցություններն ասել ու արել են բաներ, որոնք պետք է մեզ զգոն դարձնեն։ Դա վերաբերում է նաեւ Ռուսաստանին եւ ֆինանսատնտեսական խնդիրներին»,- հոլանդական հեռուստատեսությանը տված հարցազրույցում ասել է Ռյուտեն։
«Բայց մենք պետք է նրան հնարավորություն տանք,- ասել է նա:- Ես կփորձեմ լավ հարաբերություններ կառուցել նրա հետ»։
