News
Լրահոս
News
Երեքշաբթի
Մարտ 19
Տեսնել լրահոսը


Լեւոն Տեր-Պետրոսյանը հստակ ասաց, որ պետք է պատրաստվել նոր կապիտուլյացիայի եւ սեղանին դրված կա փաստաթուղթ։ Այս մասին լրագրողների հետ զրույցում ասաց «Հայաստան» խմբակցության պատգամավոր Արմեն Ռուստամյանը։

Այս փաստաթուղթը, ըստ նրա, նշանակում է, որ պետությունը նոմինալ գոյատեւելու է, բայց կկորցնի իր անկախությունն ու ինքնիշխանությունը պահպանելու կարողությունը, այլեւս չի կարողանա կատարել ազգապահպան գործառույթ։

«Մենք երկար ժամանակ պայքարում ենք Տեր-Պետրոսյանի մոտեցումների դեմ։ Սա այն մարդու տեսակն է, որը հայերին անընդունակ է համարում եւ փորձում է ապացուցել, որ այստեղ պետք է ապրել միայն ադրբեջանցիների եւ թուրքերի թույլտվությամբ։

Տեր-Պետրոսյանը դեռ 1990-ականներից խոսում էր անխուսափելիության, կապիտուլյացիայի մասին։ Նա փորձում է համոզել մյուսներին հանձնվել։ Ինչ վերաբերում է Փաշինյանի առաջարկներին, ապա դրանք բոլորը բերելու են նոր կապիտուլյացիայի։ Ի՞նչ է, ընդդիմությունը պետք է օգնի Փաշինյանին ընտրել, թե ո՞րն է Հայաստանի համար ամենացավոտ տարբերակը»,-​​ասաց Ռուստամյանը։

Նրա խոսքով՝ Տեր-Պետրոսյանի մասնակցությունը կաթողիկոսի եւ նախկին նախագահների վերջին հանդիպմանը պայմանավորված է նրանով, որ բոլորը պետք է արտահայտվեին։

«Սրա մեջ տարօրինակ ոչինչ չեմ տեսնում։ Մեր նպատակը պետք է լինի միավորումը, ինչի մասին հայտարարել է նաեւ Տեր-Պետրոսյանը։ Բայց նրա մնացած մտքերն անհասկանալի են։ Նա չանդրադարձավ հարցին, թե ինչի շուրջ պետք է երկխոսեն իշխանություններն ու ընդդիմությունը»,-նշեց պատգամավորը։

Նա մատնանշեց այլընտրանքային գծի ձեւավորման անհրաժեշտությունը, կտրուկ փոփոխությունների կարեւորությունը թե՛ դիվանագիտության, թե՛ բանակում բարեփոխումների ուղղությամբ՝ վստահեցնելով, որ այդ հնարավորությունները կան։

«Եթե հայ ժողովուրդը համախմբվի այս գաղափարի շուրջ, ապա կարող ենք հուսալ, որ հաջորդ սերունդները կպաշտպանեն իրենց իրավունքները, անկախությունն ու ինքնիշխանությունը։ Մենք կանգնած ենք լուրջ խնդրի առջեւ։ Համաշխարհային աշխարհաքաղաքական փոփոխությունները հանգեցնում են աշխարհակարգի փլուզմանը։ Այսօր ամեն մեկն անում է այն, ինչ ուզում է եւ կարող է։ Նույն Բաքուն եւ Անկարան օգտվեցին այն հանգամանքից, որ Ռուսաստանը զբաղված է Ուկրաինայի խնդրով»,-եզրափակեց Ռուստամյանը ։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Որպեսզի ստանանք այն, ինչ լեգիտիմ մերն է, պետք է պատրաստ լինենք տալ այն, ինչ լեգիտիմ մերը չի. Փաշինյան
Եթե մենք ուզում ենք ամուր պահանջենք, որ Ադրբեջանը տա, պետք է մենք գանք...
Երևանը Ռուսաստանում նախընտրական քարոզարշավի ժամանակ սադրիչ հայտարարություններ էր անում. Տարասով
Հայաստանը շատ թույլ օղակ է դարձել տարածաշրջանային անվտանգության համակարգում...
Փաշինյանը տավուշցիներին հայտնել է, որ 4 գյուղը պետք է անհապաղ հանձնել Ադրբեջանին, այլապես պшտերազմ կլինի․ ԱԺ պատգամավոր
Ինչպես հայտնի է՝ Նիկոլ Փաշինյանն այսօր անակնկալ այց է կատարել Տավուշի մարզ:  Ոսկեպար համայնքում տեղի է ունեցել հանդիպում մարզպետի, Նոյեմբերյան...
40-ից ավելի ՀԿ-ներ պահանջում են որևէ դեպքում չհրաժարվել Ադրբեջանի դեմ ներկայացված միջպետական դատական գանգատներից
Կազմակերպությունները խիստ մտահոգիչ են և անընդունելի են համարում ՀՀ կառավարության և  Ազգային ժողովի ղեկավարների կողմից արտահայտած…
Բայրամովը Բոնոյին հավաստիացրել է խաղաղ մտադրությունների լրջության մասին
Բայրամովը հանդիպել է Լուի Բոնոյի հետ...
Բայրամովը հայտնել է «ադրբեջանա-հայկական խաղաղ օրակարգի առաջմղման պատմական պայմանների մասին»
Բայրամովը հանդիպել է Սթոլտենբերգի հետ...
Ամենաշատ