News
Լրահոս
News
Երեքշաբթի
Նոյեմբեր 29
USD
395.53
EUR
393.43
RUB
6.42
Տեսնել լրահոսը

ԱՄՆ դատախազները ռուս միլիարդատեր Օլեգ Դերիպասկային մեղադրել են Ռուսաստանի դեմ «պատժամիջոցների խախտման» մեջ։

Դերիպասկան՝ ալյումինե հսկա «Ռուսալ»-ի 54-ամյա հիմնադիրը, եղել է այն ռուս գործարարների եւ պետական ​​պաշտոնյաների թվում, որոնք 2018-ին ընդգրկվել էին Վաշինգտոնի սեւ ցուցակում՝ ի պատասխան 2016-ի ԱՄՆ ընտրություններին Ռուսաստանի ենթադրյալ միջամտության՝ «Դոնալդ Թրամփին նախագահ դարձնելու համար», գրում է Reuters-ը։ 

ԱՄՆ արդարադատության նախարարությունը հայտարարել է, որ Դերիպասկան խախտել է պատժամիջոցները՝ օգտագործելով ԱՄՆ ֆինանսական համակարգը երեք շքեղ օբյեկտների  պահպանման համար եւ կնոջ վարձելով՝ իր անունից Կալիֆորնիայում երաժշտական ​​ստուդիա գնելու համար: Դատախազները հայտնել են, որ Դերիպասկան նաեւ խախտել է պատժամիջոցները՝ փորձելով կազմակերպել իր ընկերուհու ծննդաբերությունը Միացյալ Նահանգներում:

Դերիպասկայի դեմ մեղադրական եզրակացության մեջ կա նաեւ երեք կին՝ Եկատերինա Վորոնինան, Նատալյա Բարդակովան եւ Օլգա Շրիկը։

Ըստ Forbes ամսագրի՝ Դերիպասկայի կարողությունը 2.8 միլիարդ դոլար է գնահատվում, եւ նա ենթարկվել է նաեւ Եվրամիության եւ Մեծ Բրիտանիայի պատժամիջոցներին:

ԱՄՆ ֆինանսների նախարարությունը, Դերիպասկային սեւ ցուցակում ընդգրկելով, պատճառաբանել է այն, որ նա իբր գործել է Ռուսաստանի պետական ​​բարձրաստիճան պաշտոնյայի անունից եւ աշխատել է էներգետիկ ոլորտում:

Դերիպասկային շարունակում է պատկանել «Ռուսալ»-ի մի մասը En+ Group-ում նրա բաժնետոմսերի միջոցով: Վաշինգտոնը անցյաում պատժամիջոցներ էր կիրառել երկու ընկերությունների նկատմամբ, սակայն այդպիսի բան այլեւս չի անում:

 

!
Այս նյութը հասանելի է նաև   Русский
Տպել
Ամենաշատ