News
Լրահոս
News
Երեքշաբթի
Նոյեմբեր 29
USD
395.53
EUR
393.43
RUB
6.42
Տեսնել լրահոսը

Աֆղանստանի իշխանությունները ցրել են կանանց ցույցը արեւմտյան Աֆղանստանի Հերաթ քաղաքում, հաղորդում է AFP-ը՝ նշելով, որ ցուցարարները պնդում են, որ իրենց ծեծի են ենթարկել թալիբները եւ օդ են կրակել:

Տասնյակ ուսանողուհիներ հավաքվել են՝ բողոքելով ուրբաթ օրը Քաբուլում դպրոցներից մեկի դասասենյակում տեղի ունեցած պայթյունի դեմ, որի հետեւանքով զոհվել եւ վիրավորվել են քննություններին պատրաստվող տասնյակ ուսանողներ:

Ահաբեկիչն իրեն պայթեցրել է գենդերային օրենքի հիման վրա բաժանված դասարանի աղջիկների բաժնում: Դեպքը տեղի ունեցել Քաբուլի թաղամասերից մեկում, որտեղ ապրում է ճնշված շիա մահմեդական Հազարա համայնքը:

ՄԱԿ-ի տվյալներով՝ զոհվել է առնվազն 35  եւվիրավորվել 82 մարդ, որոնց մեծ մասը աղջիկներ եւ երիտասարդ կանայք են։

Կիրակի օրը ավելի քան 100 կին, հիմնականում՝ հազարաներ, երթ են կազմակերպել Հերաթում՝ ընդդեմ հարձակման, որը վերջին տարիներին դարձել է այս փոքրամասնության անդամների համար ամենամահաբերներից մեկը:

«Կրթությունը մեր իրավունքն է, ցեղասպանությունը հանցագործություն է»,- վանկարկել են ցուցարարները՝ Հերաթի համալսարանից շարժվելով դեպի նահանգապետարան։

Սեւ հիջաբներով եւ գլխաշորերով ցուցարարներին կանգնեցրել են զինված թալիբները, որոնք լրագրողներին հրամայել են չհաղորդել հանրահավաքի մասին։ Ուսանողուհիների մեկ այլ խումբ, որոնց թույլ չեն տվել բողոքի ակցիա իրականացնել փողոցում, առանձին հանրահավաք է կազմակերպել համալսարանում:

Թալիբների իշխանության վերադարձից ի վեր կանանց իրավունքների համար բողոքի ակցիաներն ուղեկցվել են իշխանությունների հետ լարված ընդհարումներով, ցուցարարները բերման են ենթարկվել, իսկ ցույցերը ցրվել են օդային ռմբակոծությունների միջոցով:

Կին ակտիվիստները դեռեւս փորձում են տարաբնույթ ցույցեր կազմակերպել, հիմնականում Քաբուլում՝ ընդդեմ թալիբների կողմից իրենց վրա դրված մի շարք սահմանափակումների:

Դեռեւս ոչ մի խմբավորում չի ստանձնել մայրաքաղաքի Կաաջ բարձրագույն ուսումնական կենտրոնում ուրբաթ օրը տեղի ունեցած պայթյունի պատասխանատվությունը: Սակայն «Իսլամական պետություն» ջիհադիստական ​​խմբավորումը շիաներին համարում է հերետիկոսներ եւ նախկինում հարձակումներ է գործել այդ տարածքում գտնվող աղջիկների, դպրոցների եւ մզկիթների վրա։

Հազարները վերջին տարիներին նույնպես թիրախ են դարձել Հերաթում:

!
Այս նյութը հասանելի է նաև   English and Русский
Տպել
Ամենաշատ