ԱՄՆ նախագահ Ջո Բայդենն իրավապաշտպան եւ հեռուստահաղորդավար Ալ Շարփթոնի հետ զրույցում ասել է, որ պատրաստվում է ընտրվել երկրորդ ժամկետով, հայտնում է NBC-ն՝ վկայակոչելով իրավիճակին ծանոթ աղբյուրը։
Նշվում է, որ Բայդենն այդ մասին ասել էր սեպտեմբերին, ինչի մասին Շարփթոնն ասել էր ավելի ուշ իր հասարակական կազմակերպության աշխատակիցներին։
Ըստ կազմակերպության աղբյուրի՝ Բայդենն ասել է. «Ես պատրաստվում եմ դա նորից անել... պատրաստվում եմ»:
Հեռուստաալիքի փոխանցմամբ՝ մինչ այդ, ինքը՝ Բայդենը, ձեռնպահ է մնացել իր թեկնածության առաջադրման վերաբերյալ այդպիսի հայտարարություններից՝ չնայած նրան, որ նրա կողմնակիցները խոսում էին դրա մասին։
