News
Լրահոս
News
Երեքշաբթի
Մարտ 19
Տեսնել լրահոսը

Կատարը մտադիր է աշխարհում ՀԲԳ-ի խոշորագույն վաճառող դառնալ։ Այս մասին հայտարարել է Կատարի էներգետիկայի նախարար Սաադ ալ-Քաաբին։ Նա խոստացել է  կայուն կերպով Եվրոպային մատակարարել 12-15 միլիոն տոննա բնական գազ, եթե եվրոպական երկրները շարունակեն դժվարություններ ունենալ էներգառեսուրսների այլ աղբյուրների հետ, գրում է ՌԻԱ Նովոստին։

«Այժմ մենք վաճառում ենք մոտ հինգից տասը միլիոն տոննա հեղուկացված բնական գազ (ՀԲԳ): Առաջիկա 5-10 տարում մենք կլինենք աշխարհում ՀԲԳ-ի խոշորագույն վաճառողը։ 12-15 միլիոն տոննա Կատարի բնական գազ անշեղորեն կհասնի Եվրոպա, եթե իրավիճակը շարունակվի ներկայիս տեսքով»,-ասել է Ալ-Քաաբին։

Նրա խոսքով՝ եվրոպական շուկայում, որը կառուցված է հաբերի սկզբունքով, դժվար է այս հանգույցի հիման վրա ֆիքսված մատակարարումներ ունենալ։

Ալ-Քաաբին համոզված է, որ առաջիկա 20-30 տարում գազի սպառման պիկ չի լինի։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Ամենաշատ