News
Լրահոս
News
Երեքշաբթի
Դեկտեմբեր 06
USD
395.53
EUR
393.43
RUB
6.42
Տեսնել լրահոսը

Լիբանանցի պատգամավոր Սինթիա Զարազիրը դադարեցրել է բողոքի ակցիան բանկում իր սառեցված խնայողություններից վիրահատության համար գումար ստանալուց հետո, փոխանցում է Reuters-ը:

Չորեքշաբթի առավոտյան Զարազիրը երկու փաստաբանների հետ մտել է Բիբլոս Բանկի Անթիլիասի մասնաճյուղ եւ չորսժամյա նստացույց է կազմակերպել՝ որպես «վերջին միջոց»՝ իր գումարը ստանալու համար:

Փաստաբաններից Ֆուադ Դեբսը Reuters-ին հաստատել է, որ Զարազիրին կարողացել է ստանալ իրեն անհրաժեշտ 8500 դոլարը:

Վերջերս Լիբանանում բանկերի կողոպուտի եւ բողոքի ցույցերի դեպքերը հաճախակիացել են, քանի որ վարկառուները վրդովված են կապիտալի ոչ պաշտոնական վերահսկողությունից, որը բանկերը սահմանել են 2019-ի տնտեսական անկման սկզբից ի վեր:

Ավանդատուները կարող են կանխիկացնել միայն ԱՄՆ դոլարով կամ լիբանանյան ֆունտով սահմանափակ գումարներ, որոնք ճգնաժամի սկսվելուց հետո կորցրել են արժեքի ավելի քան 95 տոկոսը:

Արտարժույթի դուրսբերումների մեծ մասն իրականացվում է ավանդատուների համար անբարենպաստ փոխարժեքով, որը կազմում է դրանց արժեքից դիսկոնտի մոտ 80 տոկոսը:

«Մի քանի օր գնացել ենք բանկ եւ բժշկական եզրակացություններ ենք տարել, բայց մեզ չեն պատասխանում։ Այլեւս չեմ կարող հետաձգել: Եկել եմ գումարս վերցնելու,- ասել է Զարազիրը։- Ես եկել եմ որպես հասարակ քաղաքացի, ոչ թե որպես պատգամավոր»,- հավելել է նա։

Զարազիրի նստացույցը համընկել է մեկ այլ կողոպուտի հետ Բեյրութի արվարձաններից մեկում, որտեղ Հուսեյն Շուքր անունով անձը 48000 դոլար էր պահանջել իր սեփական հաշվից:

«Ավանդատուների վրդովմունք» կազմակերպությունը նաեւ բողոքի ցույց էր կազմակերպել Լիբանանի Կենտրոնական բանկի մոտ, որտեղ տասնյակ ցուցարարներ անվադողեր են հրկիզել եւ շշեր են նետել շենքի մետաղական բարիկադների վրայով:

Ջբեյլ քաղաքում աղբյուրն անվտանգության ծառայությունում հայտնել է, որ չորեքշաբթի անհայտ անձը կրակ է բացել Բեյրութում բանկի մասնաճյուղի վրա, ապա փախուստի է դիմել։

Չորեքշաբթի լարվածությունը ծագել է նախորդ օրը երկրում չորս կողոպուտից հետո, որոնցից երկուսում ներգրավված էին զինված անձինք, ովքեր հետ էին պահանջում իրենց ավանդները: Մեկ այլ դեպք էր տեղի ունեցել երկուշաբթի։ Չորեքշաբթի Ավանդատուների բողոքի ասոցիացիան սպառնացել էը նոր կողոպուտներով:

 

!
Այս նյութը հասանելի է նաև   Русский
Տպել
Կարդացեք նաև
Ամբողջը
«Դեպի հայրենիք»․ հիփոթեքային վարկ՝ ոչ ռեզիդենտ անձանց համար
Բիբլոս Բանկ Արմենիան առաջարկում է...
Ամերիաբանկը ճանաչվել է 2022 թ. տարվա բանկը Հայաստանում The Banker ամսագրի կողմից
Որոշում կայացնելիս The Banker-ի հաղթողներին գնահատող միջազգային հանձնաժողովը հաշվի է առել Ամերիաբանկի դինամիկ աճը․․․
Ֆասթ Բանկը թվային բանկինգի վերափոխման ակտիվ փուլում է
Դեպի բանկ վերափոխման, թվային ռազմավարության և տրանսֆորմացիոն...
Արդշինբանկն անցկացնում է ակցիա 10000 դրամ դրամական փոխանցում կատարող յուրաքանչյուր 300-րդ հաճախորդի համար
Դեկտեմբերի 1-ից 30-ը ...
Ameria PhonePOS.  Նոր հավելված` սմարթֆոնով անկանխիկ վճարումներ ստանալու համար
Այն նախատեսված է NFC ֆունկցիա ունեցող Android 8.1 և ավելի բարձր դասի սմարթֆոնների համար...
ՀՀ կենտրոնական բանկը կեղծ լիցենզիայի և շինծու տվյալների հիման վրա տարածվող առաջարկների մասին զգուշացում է տարածել
Վերջին շրջանում տարբեր սոցիալական հարթակներով գործարար Իլոն Մասկի...
Ամենաշատ