News
Լրահոս
News
Ուրբաթ
Դեկտեմբեր 09
USD
395.53
EUR
393.43
RUB
6.42
Տեսնել լրահոսը

«Մոսադ» հետախուզական ծառայության ղեկավարը կառավարության պաշտոնյաներին ասել է, որ «Հեզբոլլահ»-ը, ամենայն հավանականությամբ, կփորձի սահմանափակ հարձակում գործել Իսրայելի կողմից վերահսկվող օբյեկտների վրա վիճելի ծովային գազի հանքավայրում: Իսրայելը զորքերը մարտական պատրաստության վիճակի է բերել երկրի հյուսիսում այն ​​բանից հետո, երբ Լիբանանի հետ ծովային սահմանի մասին համաձայնագիրը, կարծես թե, փակուղում հայտնվեց, գրում է Times of Israel-ը։

«Մոսադ»-ի ղեկավար Դեյվիդ Բարնեայի նախազգուշացումը հնչեցվել է այն ժամանակ, երբ այլ պաշտոնյաներ հայտարարել էին, որ Իսրայելի եւ Լիբանանի միջեւ նշանակալից համաձայնագրի հույս կա՝ ծովային սահմանի վեճը լուծելու համար, որը թույլ կտա երկու երկրներին սկսել գազային հարստության արդյունահանումը ծովից:

Նախարարները համաձայնել են վարչապետ Յաիր Լապիդին, պաշտպանության նախարար Բենի Գանցին եւ փոխվարչապետ Նաֆթալի Բենեթին լիազորություններ տալ երկրի հյուսիսում լարվածության կամ բռնության հնարավոր սրման հետ կապված այն բանից հետո, երբ Իսրայելն ասաց, որ չի ընդունի ԱՄՆ միջնորդությամբ կնքված համաձայնագրում Լիբանանի առաջարկած փոփոխությունները: 

Հաղորդվում է, որ Բարնեան նախարարներին ասել է, որ «Հեզբոլլահ»-ի ղեկավար Հասան Նասրալլահը կարող է ճնշում զգալ՝ Իսրայելի դեմ քայլեր ձեռնարկելու համար՝ հաշվի առնելով նրա հրապարակային խոստումները՝ թույլ չտալու Իսրայելին գազ արդյունահանել Կարիշ հանքավայրից, եթե Միջերկրական ծովի մոտ 860 քառակուսի կիլոմետր տարածքի շուրջ համաձայնություն ձեռք չբերվի, որոնց հավակնում են ե՛ւ Թել Ավիվը, ե՛ւ Բեյրութը:

 

!
Այս նյութը հասանելի է նաև   English and Русский
Տպել
Ամենաշատ