Ռուսական նավթի գների սահմանաչափը ավելի լայն ազդեցություն ունի ՕՊԵԿ-ի եւ Արեւմուտքում կարտելի ազդեցության դինամիկայի վրա, գրում է BI-ն։
S&P Global-ի էներգետիկ խորհրդատվական գծով տնօրեն Քարիմ Ֆավազն ասում է, որ ՕՊԵԿ-ը զգուշանում է գների սահմանափակումներից եւ դա համարում է շուկաները շարժելու ապագա ջանքերի խոչընդոտ:
Ավելի վաղ OPEC+-ը կրճատել էր արդյունահանման քվոտան՝ օրական 2 միլիոն բարելով, ինչը քննադատության էր արժանացել Սպիտակ տան կողմից՝ որպես «դաշինք Ռուսաստանի հետ»։ Վերլուծաբանները այդ կրճատումը համարում են ռուսական նավթի գները սահմանելու ծրագրերի պատասխան:
ԱՄՆ-ը եւ «Մեծ յոթնյակը» առաջ են մղում գների սահմանաչափը՝ որպես ծովային ռուսական նավթի ԵՄ առաջիկա էմբարգոյի բաց թողնում՝ կանխելով մատակարարման ցնցումը եւ սահմանափակելով Մոսկվայի արտահանման եկամուտները: Բայց Ֆավազն ասել է, որ գնի սահմանաչափի մանրամասները, որոնցից մի քանիսը դեռ պետք է որոշվեն, չեն մտահոգում ՕՊԵԿ-ին:
Նա հավելել է, որ գնային առաստաղն ավելի գրավիչ է, քան երկրորդական պատժամիջոցների սահմանումը կամ նավթի հոսքերի ուղղակի սահմանափակումը։
Բայդենի վարչակազմը լայնորեն օգտագործում է նավթի ռազմավարական պաշարը՝ նավթի գների աճին հակազդելու համար, ինչը Արեւմուտքի տրամադրության տակ գտնվող եւս մեկ գործիք է:
Մինչեւ հիմա Եվրամիությունը հաստատել է ռուսական նավթի գների սահմանաչափը՝ պատժամիջոցների իր վերջին փուլի շրջանակներում: Սակայն Ռուսաստանի խոշոր հաճախորդները, ինչպիսիք են Չինաստանը եւ Հնդկաստանը, չեն ստորագրել այն, ինչն էլ դրանց արդյունավետության վերաբերյալ կասկածներ է առաջացնում:
Այնուամենայնիվ, եթե նույնիսկ դա անարդյունավետ լինի, դա արտացոլում է Արեւմուտքի ստեղծագործական ջանքերը արտաքին քաղաքականության նոր գործիքներ մշակելու համար, ինչն իսկապես անհանգստացնում է ՕՊԵԿ-ին, ասել է Ֆավազը:
«Ավելի լայնորեն, տեղի է ունենում նավթի եւ գազի շուկաների ապակառուցում, առեւտրային եւ քաղաքական հարաբերությունների վերաիմաստավորում եւ խաղի կանոնների փոփոխություն: ՕՊԵԿ-ին ակնհայտորեն դուր չի գալիս այն ուղղությունը, որով նա գնում է, սակայն ալիքի դեմ պայքարելը կարող է միայն արագացնել այդ գործընթացը», - նշել է նա:
