Այս պահին Երեւանում առկա է 288 մուտք, որոնք չունեն դուռ եւ 6800 մուտք, որոնք չունեն կոդավորված փական: Այս մասին այսօր՝ հոկտեմբերի 10-ին, Երեւանի քաղաքապետարանում գործակարգավարական խորհրդակցության ժամանակ նշեց քաղաքապետարանի Կոմունալ տնտեսության վարչության պետ Արսեն Կարոյանը:
«Նոր Նորք վարչական շրջանը մրցույթ է հայտարարել, որ թվով 65 շենքերում, որոնք ունեն 126 մուտք, տեղադրվեն կոդավորված փականով դռներ: Հուսով եմ մինչեւ տարավերջ դռների տեղադրման գործընթացը կավարտենք»,-ասաց նա:
Երեւանի քաղաքապետ։ Հրաչյա Սարգսյանն էլ արձագանքեց. «Այս տարիների ընթացքում մենք անընդհատ ինչ-որ գումար ենք դնում, բնակիչներն ընդհանրապես, մասնակցություն չեն ունենում: Դա նորմալ չի: Հիմա էլ վերելակներն ենք մեծ թափով փոխում»:
