Խերսոնի խաղաղ բնակիչները եւ քաղաքացիական վարչակազմի բոլոր ստորաբաժանումներն ու նախարարությունները պետք է անհապաղ հեռանան քաղաքից եւ այսօր անցնեն Դնեպրի ձախ ափ՝ ռազմաճակատում լարված իրավիճակի պատճառով։ Այս մասին հայտնում է Խերսոնի մարզի վարչակազմի Telegram-ալիքը։
«Ռազմաճակատում լարված իրավիճակի, քաղաքի զանգվածային հրետակոծության վտանգի եւ ահաբեկչական հարձակումների սպառնալիքի պատճառով բոլոր խաղաղ բնակիչները պետք է անհապաղ լքեն քաղաքը եւ անցնեն Դնեպրի ձախ ափ»,- ասվում է հրապարակման մեջ։
Իշխանությունները մարդկանց կոչ են արել իրենց հետ վերցնել փաստաթղթերը, փողերը, թանկարժեք իրերը եւ հագուստ։ Գետային նավակները ձախ ափ են մեկնում «Ռեչպորտից», իսկ տեղաշարժի հարցերով գործում է «թեժ գիծ»։ Վարչակազմը նշել է, որ մեկնումը անցկացվում է «կազմակերպված եւ հանգիստ», կամավորներն օգնում են մարդկանց կայարանում։