Սերբիայում այցով գտնվող Եվրահանձնաժողովի նախագահ Ուրսուլա ֆոն դեր Լյայենը հայտարարել է Բելգրադին 165 մլն եվրոյի չափով օգնություն հատկացնելու, ինչպես նաեւ 500 մլն եվրոյի ներդրումների մասին։
«Ուրախ եմ հայտարարել Սերբիայի բյուջեին 165 միլիոն եվրո հրատապ օգնության հատկացման մասին։ Շատ կարեւոր է, որ Սերբիայի իշխանությունները, ինչպես եւ այլ երկրներում, կարողանան օգնել ամենախոցելի ընտանիքներին եւ տնային տնտեսություններին, փոքր եւ միջին ձեռնարկություններին»,-ասել է նա։
Նա հավելել է, որ Սերբիան զգալի առաջընթաց է գրանցել Եվրամիությանն անդամակցելու ճանապարհին։
