Եվրահանձնաժողովը նվազեցրել է հաջորդ տարվա տնտեսական աճի կանխատեսումը՝ հայտարարելով, որ եվրոգոտու 19 երկրները ձմռանը ռեցեսիայի մեջ կհայտնվեն, քանի որ ինֆլյացիայի գագաթնակետային շրջանը ավելի երկար կտեւի, քան ակնկալվում էր, իսկ վառելիքի եւ ջեռուցման բարձր գները խաթարում են սպառողների գնողունակությունը, հաղորդում է AP-ն։
Եվրահանձնաժողովի աշնանային կանխատեսումը տնտեսական արտադրության անկում է կանխորոշում այս տարվա վերջին երեք եւ 2023 թվականի առաջին ամիսներին։
Նշվում է, որ էներգակիրների բարձր գները, կյանքի արժեքի աճը, ավելի բարձր տոկոսադրույքները եւ ԵՄ ընդհանուր անորոշությունը կահնգեցնեն նրան, որ եվրոգտին եւ անդամ պետությունների մմեծամասնությունը վերջին եռամսյակում ռեցեսիայում կհայտնվեն»:
2023 թվականի համար աճի կանխատեսումը 1,4 տոկոսից նվազել է 0,3 տոկոսի։
«Ակնկալվում է, որ աճը Եվրոպայում կսկսվի գարնանը, քանի որ ինֆլյացիան աստիճանաբար թուլացնում է իր ազդեցությունը տնտեսության վրա», - նշվում է զեկույցում։
Հաջորդ տարի ամենավատ ցուցանիշներն, ամենայն հավանականությամբ, կլինեն Գերմանիայում, որը Եվրոպայի ամենամեծ տնտեսությունն ունի է եւ որն ամենից շատ է կախված ռուսական բնական գազից:
Սպասվում է, որ հաջորդ տարի Գերմանիայում արտադրությունը կկրճատվի 0,6 տոկոսով։
Ինֆլյացիան գագաթնակետին կհասնի ավելի ուշ, քան ակնկալվում էր տարեվերջին մոտ եւ եվրոգոտում 2022-ին միջին մակարդակը կբարձրացնի մինչեւ 8,5 տոկոս, իսկ 2023-ին՝ մինչեւ 6,1 տոկոս։
