Միջազգային գյուղատնտեսական օպերացիաներն ապահովելու համար Ռուսաստանը ՄԱԿ-ի հետ քննարկում է SWIFT-ին «Ռոսսելխոզբանկ»-ի վերամիացման հնարավորությունը, որը հունիսի 14-ին անջատվել էր ֆինանսական հաղորդագրությունների համակարգից: Ռուսաստանի ԱԳ փոխնախարար Սերգեյ Վերշինինը SWIFT-ին «Ռոսսելխոզբանկ»-ի միացումն անվանել է «առանցքային հարց», առանց որի հնարավոր չէ կարգավորել ռուսական գյուղմթերքի արտահանումը», գրում է «Կոմերսանտը»։
«Առանց դրա, իհարկե, մենք պարզապես չենք կարող առաջ գնալ։ Մենք մինչ այդ էլ քննարկել ենք այդ հարցը, երեկ մենք շատ առարկայական եւ երկար խոսել ենք այդ մասին, կրկին հավաստիացումներ ենք ստացել ՄԱԿ-ի ներկայացուցիչներից, որ նրանք նույնպես հարցը կենսական կարեւոր են համարում»,- Ժնեւում ՄԱԿ-ի ներկայացուցիչների հետ հանդիպումից հետո լրագրողներին ասել է Վերշինինը։
Հունիսին «Ռոսսելխոզբանկը», ինչպես նաեւ «Սբերբանկը» եւ MKB-ն, անջատվել են SWIFT համակարգից՝ ԵՄ պատժամիջոցների վեցերորդ փաթեթի շրջանակներում։ Ռուսական սննդամթերքի, այդ թվում՝ ֆինանսական արտահանման խոչընդոտների վերացումը ռուսական կողմի հիմնական պահանջն է հացահատիկի գործարքի շրջանակներում, որի կողմերից մեկը ՄԱԿ-ն է։