«Մոսկվիչ» ապրանքանիշի ներքո ավտոմեքենայի նոր մոդելի արտադրության մեկնարկը Մոսկվայում դարձել է պատմական իրադարձություն, իսկ մի քանի տարի անց մայրաքաղաքը էլեկտրամոբիլներ կարտադրի սեփական հարթակում, չորեքշաբթի օրը գործարանում մեքենաների սերիական հավաքման բացման ժամանակ հայտարարել է քաղաքապետ Սերգեյ Սոբյանինը, հայտնում է ՏԱՍՍ-ը։
«Վեց ամիս էլ չի անցել մենք գործարկում ենք գործարան, որը Renault-ը ժամանակին թողել եւ հեռացել է ռուսական հարթակից: Շատերը կարծում էին, որ դրանով ռուսական ավտոարտադրությունը կավարտվի, բայց իրականում դա եւս մեկ խթան է նոր արտադրության վերածննդի համար։ Այսօր Մոսկվան թողարկում է նոր մոդել՝ հին «Մոսկվիչ» ապրանքանիշի ներքո, եւ սա պատմական իրադարձություն է»,- ասել է Սոբյանինը, որը արարողությանը մասնակցել է փոխվարչապետ, ՌԴ արդյունաբերության եւ առեւտրի նախարար Դենիս Մանտուրովի եւ «Կամազ»-ի գլխավոր տնօրեն Սերգեյ Կոգոգինի հետ։
