News
Լրահոս
News
Կիրակի
Հունվար 29
USD
395.53
EUR
393.43
RUB
6.42
Տեսնել լրահոսը

ՆԱՏՕ-ում դաշնակիցները զորավարժություններ են անցկացրել՝ Ռումինիայում հակաօդային եւ հակահրթիռային պաշտպանությունը ստուգելու համար՝ մոտ մեկ շաբաթ անց այն բանից, երբ Լեհաստանում մոլորված հրթիռ էր ընկնել՝ դաշինքի օդային վահանի հետ կապված թերություններ ի հայտ բերելով, հաղորդում է Reuters-ը:

Հակաօդային պաշտպանության ֆրանսիական համակարգը, որը տեղակայված է Ռումինիայում, հետ է մղել դաշնակիցների կործանիչի մոդելավորված հարձակումը, հայտնել է Գերմանիայի արեւմտյան Ռամշտեյնում ՆԱՏՕ-ի ավիացիոն հրամանատարությունը:

Զորավարժություններին մասնակցել են թուրքական F-16 կործանիչներ, իսպանական Eurofighter կործանիչներ, ամերիկյան հրթիռակիր ինքնաթիռներ՝ ռադիոէլեկտրոնային պայքար մղելու համար, եւ ֆրանսիական Rafale կործանիչներ, որոնք թռել են Charles de Gaulle ավիակրի վրայից։

«Ի պատասխան Ուկրաինայի դեմ Ռուսաստանի պատերազմի՝ մենք շարունակում ենք ուժեղացնել զսպման եւ պաշտպանական մեր ուժերը դաշինքի արեւելյան հատվածում»,- հայտարարել է ՆԱՏՕ-ի ներկայացուցիչ Օանա Լունգեսկուն:

Նրա խոսքով՝ դաշինքը մեծացրել է պարեկության համար նախատեսված կործանիչների եւ հետախուզական ինքնաթիռների, ինչպես նաեւ ցամաքային հակաօդային պաշտպանության միջոցների եւ ծովում հակաօդային պաշտպանության նավերի քանակը: «Նման զորավարժությունները երաշխավորում են, որ ՆԱՏՕ-ի ուժերը կարող են միասին գործել եւ պատրաստ լինել ցանկացած ուղղությունից ցանկացած սպառնալիքի արձագանքելու»,- նշել է նա:

Մայիսից Ֆրանսիան Ռումինիային է փոխանցել իր SAMP/T հակաօդային պաշտպանության համակարգը։ Այն նախատեսված է մարտադաշտերը եւ կարեւոր օբյեկտները, ինչպիսիք են օդանավակայաններն ու նավահանգիստները, թեւավոր հրթիռներից, ինքնաթիռներից, անօդաչու թռչող սարքերից եւ մարտավարական բալիստիկ հրթիռներից պաշտպանելու համար:

Մի քանի այլ դաշնակիցներ նույնպես նման զինատեսակներ են տեղակայել ՆԱՏՕ-ի արեւելյան թեւում՝ գերմանական Patriot կրակային ստորաբաժանումները տեղակայված են Սլովակիայում։ Միացյալ Նահանգները օգտագործում է Patriot-ը Լեհաստանում, իսկ Իսպանիան NASAMS համակարգեր է ուղարկել Լատվիա:

Սակայն անցյալ շաբաթ Լեհաստանում ուկրաինական ՀՕՊ հրթիռի անկումը լույս է սփռել ՆԱՏՕ-ի օդային վահանի նոր թերությունները փակելու անհրաժեշտության վրա:

 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Օլաֆ Շոլցն ասել է, որ թույլ չի տա պատերազմ տեղի ունենա ՆԱՏՕ-ի եւ ՌԴ-ի միջեւ
Շոլցը վերահաստատել է դիրքորոշումն այն մասին, որ Կիեւին կործանիչներ մատակարարելու մասին խոսք լինել չի կարող...
ՆԱՏՕ-ի նախկին գեներալը կդառնա Չեխիայի հաջորդ նախագահը
61-ամյա ապագա նախագահը առաջադրվել է՝ արեւելաեվրոպական երկրում բեւեռացումը նվազեցնելու խոստումով...
Շվեդիան հույս ունի այս ամառ Թուրքիայի հետ պայմանավորվել ՆԱՏՕ-ի հարցով
Սպասվում է, որ ՆԱՏՕ-ի երկրների ԱԳՆ ղեկավարները կնախապատրաստեն դաշինքի հաջորդ գագաթաժողովը, որը կանցկացվի Վիլնյուսում 2023 թվականի հուլիսի 11-12-ը․․․
Թուրքական ընկերությունը ՆԱՏՕ-ի շտաբերի միջեւ հետախուզական տվյալների փոխանցման համար ծրագրային ապահովում է մշակում
Նշվում է, որ ծրագրային ապահովումից կօգտվեն դաշինքի բոլոր շտաբերն ու բազաները․․․
Եգիպտոսը աշխարհին կոչ է արել բոյկոտել շվեդական եւ հոլանդական ապրանքները՝ Ղուրանը պղծելու պատճառով
Եգիպտական «Ալ-Ազհար» թերթը պղծումն անվանել է «վիրավորանք» մուսուլմաններին եւ ասել, որ երկու երկրների բոյկոտը պատշաճ պատասխան կլինի․․․
ԱՄՆ-ը եւ ՆԱՏՕ-ն Եվրոպայում լայնամասշտաբ ռազմական հակամարտության ճանապարհին վտանգավոր գծի են մոտեցել
Ուկրաինայում ռազմական առճակատումը սրելու, արեւմտյան ծանր զենքերի եւ ՆԱՏՕ-ի հետախուզության վրա հիմնված ուղորդումների օգտագործմամբ Ռուսաստանի բնակչության դեմ վարչակարգի ռազմական գործողությունները հրահրելու նրանց կանխամտածված գործողությունները․․․
Ամենաշատ