News
Լրահոս
News
Շաբաթ
Հունվար 28
USD
395.53
EUR
393.43
RUB
6.42
Տեսնել լրահոսը

Հայաստանում եւ ԵՏՄ այլ երկրներում «Աշխատանք ԵՏՄ-ում» հավելվածի գործարկման հարցով բանակցություններ են ընթանում։ Այն հնարավոր է ներբեռնել Apple Store-ից եւ Google Play-ից։ Այս մասին հայտարարել է Եվրասիական զարգացման բանկի վարչության նախագահի տեղակալ, Թվային նախաձեռնությունների հիմնադրամի համակարգող Տիգրան Սարգսյանը Մոսկվա-Մինսկ-Բիշքեկ-Երեւան տեսակամրջի ժամանակ, որը կազմակերպվել է «Ռոսսիյա սեգոդնյա» միջազգային տեղեկատվական գործակալության հարթակում եւ նվիրված Է ԵԱԶԲ Թվային նախաձեռնությունների հիմնադրամի նախագծերի մրցույթին։

Նրա խոսքով՝ այժմ «Աշխատանք ԵՏՄ-ում» հավելվածի ծառայությունները տրամադրվում են ռուսական հատվածի շրջանակում։ «Այլ կերպ ասած՝ ԵՏՄ եւ ԱՊՀ երկրների քաղաքացիները կարող են պետական եւ կոմերցիոն ծառայություններ ստանալ ՌԴ-ում աշխատանքի տեղավորման ժամանակ։ Բանակցություններ են ընթանում ԵՏՄ այլ երկրներում հավելվածի նմանատիպ ծառայությունների թողարկման շուրջ»,-ասել է Սարգսյանը։

Նա պարզաբանել է, որ այդ հավելվածի օգտագործման շնորհիվ հնարավոր կլինի իրականացնել ՌԴ մուտքի սահմանափակումների ստուգում, օտարերկրյա քաղաքացիների համար հարկ վճարողի նույնականացման համարի ստուգում, Ռուսաստանի կենսաթոշակային ֆոնդում ապահովագրության ստաժի ստուգում, աշխատանքի տեսչություն դիմում, կրթության վերաբերյալ փաստաթղթերի ճանաչում, գրանցում եւ աշխատանքային արտոնագրի տրամադրում:

«Ստեղծվել է «Աշխատանք Ռուսաստանում» պորտալում տեղադրված թափուր աշխատատեղերի որոնման եւ արձագանքման հնարավորություն: Իրականացվել է աշխատանքի տեղավորման ուղեցույցով ծառայություն։ Կազմվել եւ ներդրվել է աշխատանքային միգրանտների օրինական աշխատանքի եւ աշխատանքի ընթացակարգերը կարգավորող Ռուսաստանի Դաշնության իրավական ակտերի ցանկը: Ներդրվել է աշխատանքային միգրացիայի վերաբերյալ ամենահայտնի հարցերի պատասխաններով գիտելիքների բազա: Առեւտրային ծառայությունների մասով իրականացվել են կամավոր բժշկական ապահովագրության քաղաքականության, բնակելի եւ առեւտրային անշարժ գույքի որոնում եւ վարձակալում, ավիա- եւ երկաթուղային տոմսերի որոնում եւ գնում, սիմ քարտի գնում»,-հավելել է Սարգսյանը։

Նա նշել է, որ առաջիկայում նախատեսվում է ներդնել նոր ծառայություններ, այդ թվում՝ փաստաթղթերի նոտարական վավերացմամբ թարգմանություն, բանկային քարտի տրամադրում, միջազգային դրամական փոխանցումներ։ «Մենք առաջարկում ենք մոտ 18 ծառայություն, որոնք աշխատանքային միգրանտները կարող են օգտագործել նախքան այլ երկիր կամ քաղաք տեղափոխվելու որոշում կայացնելը: Կարծում ենք, որ հավելվածից օգտվողների թիվը կհասնի մի քանի միլիոնի, քանի որ աշխատանքային միգրացիան եվրասիական տարածքում մեծ մասշտաբ ունի»,-եզրափակել է Սարգսյանը։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Հայաստանում եւ ԵՏՄ մյուս երկրներում եվրասիական ինտեգրման նկատմամբ հետաքրքրությունը սկսել է մարել. սոցիոլոգ
Ի սկզբանե շատ մեծ էնտուզիազմ եւ հետաքրքրություն կար եվրասիական ինտեգրման հետ կապված, բայց ժամանակի ․․․
ԵԱՏՄ-ի համար առաջնահերթություններից մեկը պետք է դառնա տեխնոլոգիական պոտենցիալի զարգացումը. Պուտին
Եվրասիական տնտեսական միության առաջնահերթություններից մեկը պետք է դառնա տեխնոլոգիական պոտենցիալի զարգացումը...
Պուտինը ԵԱՏՄ պետությունների ղեկավարներին առաջարկել է գնահատել զարգացման ռազմավարական ուղղությունները
Պուտինն առաջարկել է գնահատել զարգացման ռազմավարական ուղղությունները...
Պուտինը ԵԱՏՄ-ի համար խնդիր է համարել օտարերկրյա արժույթների օգտագործմամբ ստեղծվող վտանգների նվազեցումը
ԵԱՏՄ-ի համար հրատապ խնդիր է օտարերկրյա արժույթների օգտագործմամբ ստեղծվող վտանգների նվազեցումը...
ԵԱՏՄ-ն բազմաբեւեռ աշխարհի հզոր բեւեռ դառնալու հնարավորություններ ունի. Պուտին
ԵԱՏՄ-ն բազմաբեւեռ աշխարհի բեւեռներից մեկը դառնալու հնարավորություններ ունի, ասել է ՌԴ նախագահը...
Ծխախոտային և ալկոհոլային որոշ ապրանքներ ՀՀ-ում ենթակա են ԵԱՏՄ շրջանակում նույնականացման միջոցներով դրոշմավորման
Դրոշմավորումը նախատեսվում է սահմանել պարտադիր․ 2023թ․ մարտի 1-ից՝ ԱՏԳ ԱԱ 2402 (ծխախոտային արտադրանք) ծածկագրին դասվող ապրանքների համար...
Ամենաշատ