News
Լրահոս
News
Շաբաթ
Փետրվար 04
USD
395.53
EUR
393.43
RUB
6.42
Տեսնել լրահոսը

Այն, որ այսօրվա իշխանությունները հրաժարվել են Արցախի կարգավիճակից ու խոսում են ԼՂ բնակչության իրավունքներից, մենք վաղուց գիտենք, Լավրովը պետք է այդ մասին ասեր, որ մենք իմանա՞նք: Այս մասին NEWS.am-ի հետ զրույցում նշեց քաղաքագետ Թեւան Պողոսյանը:

«Այն, որ Հայաստանի գործող իշխանությունները ձեռքերը լվացել են Արցախից, ախր երկու տարի է՝ դրա մասին խոսում են բոլորը,  դրա մասին Լավրովի ասածից պետք է իմանայի՞նք:

Բայց Լավրովը մեկ այլ բան էլ է ասել: Նա ասել է, որ Ադրբեջանը հայտարարել է՝ ես պատրաստ եմ պաշտպանել հայկական բնակչության իրավունքներն այնպես, ինչպես Ադրբեջանի ցանկացած քաղաքացու: Լավրովն այն մարդը չի, որ չգիտի, որ Ադրբեջանում որեւէ բնակչության իրավունքներ չեն պաշտպանվում: Այնպես որ Լավրովը եւս մեկ անգամ երեւի հաստատեց, որ պետք է հասկանալ, որ հայերի իրավունքները պաշտպանված չեն լինելու»,-ասաց նա:

Անդրադառնալով ՌԴ ԱԳ նախարար Լավրովի հայտարարությանը, թե Ալմա Աթայի փաստաթղթով Արցախը Ադրբեջանի մաս է կազմում,  Թեւան Պողոսյանն ասաց. «Եթե Հայաստանը վավերացրել է Ալմա-Աթայի փաստաթուղթը, Հայաստանն իր օրենսդրության համաձա՞յն է շարժվելու առաջ: Եթե մեր վավերացումն է լինելու, ապա Հայաստանի գերագույն խորհուրդը այն ժամանակ մեծ վերապահում է դրել, որը այդ փաստաթղթի անբաժանելի մաս է: Այս ամենը հաշվի առնելով պետք է հասկանանք, որ դեռ ամեն ինչ կորած չէ, կարելի է աշխատել, բայց ցավոք սրտի, հույս չկա, որ այս իշխանությունները կաշխատեն»:

Պողոսյանը նկատեց, որ ամեն երկրի ԱԳ նախարար իր երկրի շահերն է ներկայացնում, իրենց այսօր պետք էր այդ մեկնաբանությունը տալ այդքան խորությամբ եւ Ռուսաստանը դա տվել է՝ ինչ-որ բաներ բացատրելով. «Երեկ եղել է նաեւ տեղեկություն, որ եղել է սոցհարցում եւ Հայաստանի 90 տոկոսն ասել է՝ մենք չենք պատկերացնում Արցախը որեւէ կարգավիճակով Ադրբեջանի կազմում: Ու դա է մեր կարծիքը, որ մենք իրավունք չունենք թույլ տալու, որ Արցախը որեւէ կարգավիճակով լինի Ադրբեջանի կազմում: Հիմա մեր ժողովուրդը դրան տեր կանգնելո՞ւ է, թե ոչ: Լավրովն իր երկրի շահերից ելնելով հազար բան կարող է ասել: Հիմա հերթը արդեն հայ ազգինն է, հայ ազգը պետք է իր ձայնը բարձրացնի:

Առաջին անգմ Պուտինը Վալդայում, հիմա էլ Լավրովը հայ ժողովրդին բացատրեցին, որ ձեր գործող իշխանությունները սա են անում: Այս պահին Լավրովը շատ բաներ է բաց ներկայացրել, ասում է՝ մեզ սա էին ասում, նա էին ասում, հետո Պրահայից եկան ու այս թուղթը մեզ բերեցին: Այս պրոցեսի մեջ ինչ-որ բաներ են բացատրվում կողմերին: Հիմա Լավրովը 2 օրից հանդիպելու է Բայրամովի հետ եւ իրեն պետք էր հատուկ այդ հանդիպման համար այսպիսի իրավիճակ ձեւավորել: 

Իրենք միշտ էլ իրենց շահերն են առաջ տանելու, մեր խնդիրը պետք է լինի այն, թե ովքեր եւ ինչպես են առաջ տանելու հայկական շահերը: Եթե չենք տանում, ի՞նչ կապ ունի Լավրովի ասածը»,-հայտարարեց Թեւան Պողոսյանը:

Մենք հայերին առաջարկել էինք դուրս գալ ադրբեջանական 5 շրջաններից եւ հետաձգել Ղարաբաղի կարգավիճակի հարցը. Լավրով

!
Այս նյութը հասանելի է նաև   Русский
Տպել
Ամենաշատ