Մոսկվայում ընթանում են Ռուսաստանի եւ Ադրբեջանի արտգործնախարարներ Սերգեյ Լավրովի եւ Ջեյհուն Բայրամովի բանակցությունները։

Ադրբեջանական լրատվամիջոցների հաղորդմամբ՝ Բայրամովը ծաղկեպսակ է դրել Ռուսաստանի մայրաքաղաքի Ալեքսանդրովյան այգում գտնվող Անհայտ զինվորի գերեզմանին։ Այնուհետ Ադրբեջանի արտգործնախարարը ուղեւորվել է ՌԴ ԱԳՆ՝ ռուս գործընկեր Սերգեյ Լավրովի հետ հանդիպելու համար։

Դեկտեմբերի 4-ին ՌԴ ԱԳՆ-ն հայտնել էր, որ արտգործնախարարների հանդիպմանը նախատեսվում է քննարկել երկկողմ համագործակցության վիճակն ու հեռանկարները, կարծիքներ փոխանակել տարածաշրջանային եւ միջազգային օրակարգի արդիական ասպեկտների, այդ թվում՝ ադրբեջանա-հայկական հարաբերությունների կարգավորման հարցերի վերաբերյալ։