News
Լրահոս
News
Ուրբաթ
Փետրվար 03
USD
395.53
EUR
393.43
RUB
6.42
Տեսնել լրահոսը

Այստեղ երկու մեկնաբանության տեղ չի կարող լինել, իրադարձությունները  բավականին միանշանակ են՝ մայրուղու փակումը, Լաչինի միջանցքի փակումը նոյեմբերի 9-ի  հայտարարության կոպտագույն խախտում կլիներ: Այս մասին այսօր՝ դեկտեմբերի 7-ին, ԱԺ-կառավարություն հարցուպատասխանի ժամանակ ասաց արտաքին գործերի նախարար Արարատ Միրզոյանը՝ պատասխանելով ՔՊ-ական պատգամավոր Արման Եղոյանի հարցին, որ օրեր առաջ Ադրբեջանն իբրև բնապահպանական նկատառումներով  կամ բնապահպանական հարցեր բարձրացնելու պատրվակով դիմեց հերթական սադրանքին՝ փակելով Գորիս-Ստեփանակերտ ավտոմայրուղին, փաստացի շրջափակման մեջ թողնելով Արցախը, ինչպե՞ս կմեկնաբանեք այդ օրվա իրադարձությունները։

Ա. Միրզոյանն արձանագրեց, որ ռուս խաղաղապահ զորակազմի  հրամանատարության  հետ բանակցությունների արդյունքում հարցն  արագորեն հարթվել է։

«Ընդհանրապես, կարծում եմ,  կողմերը կարող են իրար նկատմամբ դժգոհություններ, առաջարկներ, պահանջներ ներկայացնեն միայն  այն պայմանավորվածությունների շրջանակներում, որոնք  ձեռք բերված են, արձանագրված են, ընդունված են բոլոր կողմերի կողմից և հանրահռչակված են։ Պետք է արձանագրենք, որ  իրավիճակը փխրուն է, հարցերը կարգավորված չեն և ահա  նոր պահանջների ներկայացումը կարող է ուղղված լինել  իրավիճակի միայն սրացմանը։ Միտումնավոր, թե ոչ միտումնավոր, սա արդեն  մեկնաբանության հարց է»,- նշեց Ա.Միրզոյանը։

Արձագանքելով ադրբեջանական կողմից հնչող մի քանի հայտարարություններին, իբրև Լաչինի միջանցքը ոչ նպատակային է օգտագործվում, կամ՝ ականների թեմայով, ԼՂ տարածքում ՀՀ զինված ուժերի ներկայության մասին, Արարատ Միրզոյանն ասաց. «Մենք բազմիցս հայտարարել ենք՝  Հայաստանի Հանրապետությունը Լեռնային Ղարաբաղի տարածքում չունի որևէ  զինված կազմավորում։ Մենք գիտենք, որ ԼՂ-ն  ունի պաշտպանության բանակ, և այս բանակի անվանումն  ինքնին հուշում է այն մասին, որ այս բանակի առաքելությունը  Լեռնային Ղարաբաղի   հայության պաշտպանությունն է, ինքնապաշտպանությունն է։ Այս առաքելությունն այսօր առավել քան երբևէ պահանջված է՝ ԼՂ հայության  վրա շարունակում են կրակել, նրանց ենթարկում են տարատեսակ ճնշումների, տարվա սկզբին գազն էին փակել։ Երբ որ կվերանա Լեռնային Ղարաբաղի  էթնիկ զտումների, գոյաբանական վտանգները, այն ժամանակ, կարծում եմ, ԼՂ հայությունը կկարողանա քննարկել հնարավոր տարբեր այլ սցենարներ։ Այս պահին կարող ենք արձանագրել, որ այդ գոյաբանական  վտանգը կա»։

Նա նաև ասաց, որ նոյեմբերի 9-ի պայմանավորվածությունները ոչ ամբողջությամբ են կյանքի կոչված, առաջին հերթին խոսքը ապօրինի պահվող հայ ռազմագերիների, պատանդառու մյուս անձանց ազատ արձակման ձգձգումն է, բազմաթիվ այլ հարցեր։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Հայաստանն օկուպացրել էր յոթ շրջանները, Ադրբեջանն էլ վերադարձրեց իրեն պատկանող հողերը. Լավրով
Հայաստանը երկար տարիներ իրեն էր պահում Ադրբեջանի շուրջ յոթ շրջանները...
«Դուք չեք պաշտպանել Արցախի տարածքային ամբողջականությունն ու անվտանգությունը»․ մտավորականների բաց նամակը՝ ԱՀ նախագահին
Մենք ընդամենը փաստ ենք արձանագրում, ներկայացնում ենք իրողությունը։ Ուզում...
Սկզբունքային համաձայնություն կա Իրանին ներգրավելու Թուրքիայի եւ Սիրիայի հետ շփումներին․ Լավրով
Ուստի ես տրամաբանական եմ համարում, որ թուրք-սիրիական հարաբերությունների կարգավորմանն ուղղված․․․
Կարմիր խաչի ներկայացուցիչները հունվարին այցելել են Ադրբեջանում գտնվող հայ գերիներին
Հանդիպման ժամանակ գերիները հեռախոսազրույց  են ունեցել իրենց ընտանիքի...
Արեւմուտքը կաջակցի Ադրբեջանի դիրքորոշումներին․ Ալեքսանդր Ռար
Ամբողջ Արեւմուտքը հաստատակամորեն որդեգրել է այն դիրքորոշումը, որ ազգային փոքրամասնությունների ինքնորոշման հարցը հետին պլան է մղվել...
ԵԽԽՎ բանաձևում ներառվել են հայկական պատվիրակության առաջարկները
Հիշեցնենք, որ ԵԽԽՎ-ում ՀՀ պատվիրակության անդամ, ԵԽԽՎ տեղական և տարածաշրջանային իշխանությունների հարցերով հիմնական զեկուցող Արմեն…
Ամենաշատ