Կարմիր խաչի միջազգային կոմիտեի (ԿԽՄԿ) ներկայացուցիչները վերջին անգամ հայ գերիներին Ադրբեջանում այցելել են այս տարվա նոյեմբերին։ Այս մասին NEWS.am-ի թղթակցի հետ զրույցում դեկտեմբերի 20-ին ասել է Հայաստանում ԿԽՄԿ պատվիրակության հաղորդակցության ծրագրերի պատասխանատու Զառա Ամատունին։
Նա հիշեցրել է, որ ԿԽՄԿ ներկայացուցիչները պարբերաբար այցելում են հայ գերիներին, որոնք հաստատվել են ադրբեջանական իշխանությունների կողմից։
Ամատունին պարզաբանել է, որ Ադրբեջանում հայ գերիներին նոր այցելությունների մասին ԿԽՄԿ-ն նախապես չի տեղեկացնում։
Հիշեցնենք, որ Հայաստանի վարչապետ Նիկոլ Փաշինյանը դեկտեմբերի 15-ի կառավարության նիստում հայտարարել էր, որ Ադրբեջանը հրաժարվում է Հայաստանին վերադարձնել առնվազն 33 գերու, պատանդի եւ պահվող այլ անձանց՝ դա անվանելով ոչ միայն 2020թ. նոյեմբերի 9-ի եռակողմ հայտարարության, այլեւ հումանիտար իրավունքի կոպիտ խախտում։
Արամ Դանիելյան
