Չինաստանի նախագահ Սի Ծինփինը ցանկանում է սերտ համագործակցություն Թուրքմենստանի հետ էներգետիկ ոլորտում։
«Բնական գազի ոլորտում համագործակցությունը չին-թուրքմենական հարաբերությունների հիմնաքարն է»,- ասել է Ծինփինը երկօրյա այցով Պեկինում գտնվող Թուրքմենստանի նախագահ Սերդար Բերդիմուհամեդովին։
Չինաստանն ավելի շատ թուրքմենական գազ է գնում։ Ըստ Չինաստանի մաքսային տվյալների՝ 2022 թվականի առաջին 11 ամիսներին թուրքմենական գազի ներմուծումը Չինաստան գնահատվել է 9,3 միլիարդ դոլար՝ 2021 թվականի ամբողջ 6,79 միլիարդ դոլարի դիմաց, նշում է Reuters-ը։
Rystad Energy-ի գնահատմամբ՝ 2022 թվականի առաջին 11 ամիսներին Չինաստանը Թուրքմենստանից ներկրել է 23,03 միլիոն տոննա գազ, ինչը համարժեք է Չինաստանի գազատարի ներկրման ավելի քան 50%-ին։
«Տեղափոխման մեծ ծավալի եւ գազի առատ պաշարների պատճառով նա (Թուրքմենստանը) էներգակիրների ներմուծման շատ կարեւոր գործընկեր է Չինաստանի համար՝ ի տարբերություն Կենտրոնական Ասիայի գործընկերների՝ Ուզբեկստանի եւ Ղազախստանի, որոնք երբեմն նվազեցնում են հոսքերը»,- ասում է Rystad-ի ավագ վերլուծաբան Վեյ Սյունը։
Թուրքմենական գազը Չինաստանի արեւելյան ափ է մատակարարվում Ղազախստանով եւ Ուզբեկստանով անցնող 1833 կմ երկարությամբ երեք մայրուղային խողովակաշարերով։
Երկու երկրներն էլ առաջ են շարժվում պլանավորված չորրորդ խողովակաշարով` 1000 կմ երկարությամբ D գծով, որը նաեւ կապում է Տաջիկստանն ու Ղրղըզստանը, որն ի վերջո կավելացնի Կենտրոնական Ասիայի տարեկան մատակարարման հզորությունը մինչեւ 85 միլիարդ խ/մ (տարեկան ներկայիս 55 միլիարդ խ/մ-ից):
Սյունը կանխատեսում է, որ թուրքմենական գազի հոսքԵրը դեպի Չինաստան կաճեն մինչեւ 70 մլրդ խ/մ։
Ուրբաթ օրը կայացած հանդիպմանը Ծինփինը եւ Բերդիմուհամեդովը պայմանավորվել են երկկողմ հարաբերությունները բարձրացնել «համապարփակ ռազմավարական գործընկերության» մակարդակի։
