News
Լրահոս
News
Չորեքշաբթի
Ապրիլ 24
Տեսնել լրահոսը

ՀՅԴ Հայաստանի Գերագույն մարմնի նախագահ Սիմոն Սիմոնյանի բնակարանում նախաքննական մարմինը՝ Քննչական կոմիտեն, քիչ առաջ ավարտել է խուզարկությունը, ինչպես եւ ենթադրվում էր իրավապահ մարմինը ոչինչ չի հայտնաբերել։ Այս մասին NEWS.am-ի հետ զրույցում ասաց Սիմոն Սիմոնյանի փաստաբան Սերգեյ Հարությունյանը։

Սիմոն Սիմոնյանի բնակարանում խուզարկություն իրականացվել է ՀՀ քրեական օրենսգրքի 236-րդ հոդվածի 2-րդ մասով (օրինական կամ անօրինական հավաքին մասնակցելուն հարկադրելն անձի կամ նրա մերձավոր ազգականի կամ մերձավորի նկատմամբ բռնություն գործադրելու, գույքը ոչնչացնելու, վնասելու կամ վերցնելու սպառնալիքով կամ շանտաժի միջոցով) նախաձեռնված քրեական վարույթի շրջանակում։

«Սիմոն Սիմոնյանը երկու օր առաջ հարցաքննության էր կանչվել՝ վկայի կարգավիճակով։ Մենք ներկայացել էինք նախաքննական մարմին, բայց Սիմոն Սիմոնյանը տեղի ունեցողը համարում է քաղաքական հետապնդում, շինծու գործ, եւ օգտվելով սահմանադրական իր իրավունքից՝ հրաժարվել է ցուցմունք տալ։ Այս ամենն ուղղորդված է, թիրախում՝ ՀՅԴ–ն է»,– ասաց փաստաբանը՝ հավելելով, որ եւս մեկ խուզարկություն կատարվել էր Սիմոն Սիմոնյանի հարցաքննությունից առաջ՝ իր հաշվառման հասցեում։ 

Հիշեցնենք՝ հունվարի 11–ից խուզարկություններ են իրականացվում ՀՅԴ–ական գործիչների բնակարաններում՝ ՀՀ քրեական օրենսգրքի 236-րդ հոդվածի 2-րդ մասով նախաձեռնված քրեական վարույթի շրջանակներում։

Քննչական կոմիտեի հաղորդմամբ՝ ձեռք բերված փաստական տվյալների հիման վրա, հանցանք կատարած լինելու անմիջականորեն ծագած հիմնավոր կասկածի հիմքով 2023 թվականի հունվարի 11-ին ձերբակալվել է երեք անձ։

ՀՅԴ գործիչների ձերբակալման որոշման դեմ բողոք է ներկայացվել։ 

Այսօր էլ՝ հունվարի 13–ին, ՀՅԴ Հայաստանի Գերագույն մարմինը հայտնել էր, որ ԳՄ նախագահ Սիմոն Սիմոնյանի բնակարանում խուզարկություն է իրականացվում։ 

Տպել
Կարդացեք նաև
Ամբողջը
Երեւանում քաղաքացին նախկին ճոպանուղու շենքի 2-րդ հարկից ընկել է զրոյական հարկ
Ապրիլի 24-ին` ժամը 00:15-ին, Ճգնաժամային կառավարման ազգային կենտրոն...
Սուրեն Պետրոսյանին Նոյեմբերյանից տեղափոխել են Երևան. «Տավուշը հանուն հայրենիքի»
Նախօրեին մոտ մեկ տասնյակ քաղաքացիների ոստիկանները բերման էին ենթարկել...
Հրդեհ Սիլիկյան թաղամասում
Ապրիլի 23-ին, ժամը 14:54-ին Ճգնաժամային կառավարման ազգային կենտրոն...
Երեւանի Աշխատանքի հրապարակում ավտոմեքենան բախվել է գազատար խողովակին
Ապրիլի 24-ին, ժամը 00:26-ին Ճգնաժամային կառավարման ազգային կենտրոն տեղեկություն է ստացվել, որ Երևանի...
Նորատուսի գերեզմանատանը պայթյուն-փլուզում է տեղի ունեցել․ պայթյունի վայրից 80 մետրի հեռու հայտնաբերվել է տղամարդու դի
Ոստիկանությունն ու քննչական բաժինը պարզում են մահացածի ինքնությունը...
Գյումրիում «Mitsubishi»-ն բախվել է «Երազ»-ին, ապա կայանած «ԳԱԶել»-ին. «Mitsubishi»-ում եւ «ԳԱԶել»-ում հրդեհ է բռնկվել
Պարզվել է, որ Օզանյան փողոցում գտնվող քաղաքային մարզադաշտի մոտակայքում...
Ամենաշատ