Հայաստանում ԵՄ պատվիրակության ղեկավար Անդրեա Վիկտորինը ցավակցություն է հայտնել Գեղարքունիքում հրդեհի հետեւանքով 15 հայ զինծառայողների մահվան կապակցությամբ։
«ԵՄ ներկայացուցչության անունից խորին ցավակցություն եմ հայտնում Ազատ գյուղում բռնկված հրդեհի հետեւանքով հայ զինծառայողների ողբերգական մահվան կապակցությամբ։ Մեր մտքերը ընտանիքների եւ մտերիմների հետ են: Վիրավորներին մաղթում ենք շուտափույթ ապաքինում»,- գրել է նա Twitter-ում։
Հիշեցնենք, որ հունվարի 19-ին, ժամը 01:30-ի սահմաններում, հրդեհ է բռնկվել Գեղարքունիքի մարզի Ազատ գյուղի տարածքում գտնվող ՀՀ ՊՆ N զորամասի ինժեներաականազերծման վաշտի ապաստարանում։ Նախնական տվյալներով՝ հրդեհի հետեւանքով զոհվել է 15 զինծառայող։ Հարուցվել է քրեական գործ, պաշտոնից հեռացվել են բանակային երկրորդ կորպուսի հրամանատարը եւ այլ պաշտոնյաներ։