ՆԱՏՕ-ի գլխավոր քարտուղարի տեղակալ Միրչա Ջոանեն հայտարարել է, որ մտադիր է այցելել Մոլդովա, քանի որ երկիրը դաշինքի եւ Եվրամիության ընդհանուր գործընկերն է:
«Մոլդովան գտնվում է մեծ ճնշման իրավիճակում, նրանց անհրաժեշտ է մեր աջակցությունը՝ ԵՄ, ՆԱՏՕ։ Ես, հավանաբար, կգնամ Քիշնեւ։ Մոլդովան ՆԱՏՕ-ի եւ ԵՄ-ի ընդհանուր գործընկերն է, եւ ես կարծում եմ, որ միասին մենք կարող ենք շատ հետաքրքիր բաներ առաջարկել»,-ասել է նա Digi 24 հեռուստաալիքին տված հարցազրույցում։
Նա հիշեցրել է, որ Մոլդովայի նախագահ Մայա Սանդուն բազմիցս հայտարարել է, որ երկիրը ՀՕՊ համակարգերի կարիք ունի։ Ջոանեն ընդգծել է, որ ՆԱՏՕ-ում եւ ԵՄ-ում տրամադրված են օգնություն ցուցաբերել Քիշնեւին։
«Մոլդովան իրական շանս ունի դուրս գալու այդ բարդ աշխարհագրությունից եւ մեզ հետ ուղեւորվելու քաղաքակիրթ Եվրոպա։ Մոլդովայի առաջնորդներն իրավունքներ ունեն, նրանք ունեն չեզոքության սահմանադրություն, բայց դա չի ենթադրում պասիվություն»,-ասել է ՆԱՏՕ-ի գլխավոր քարտուղարի տեղակալը։
