Մեծ Բրիտանիան պատժամիջոցներ է սահմանել իրանական ֆիզիկական եւ իրավաբանական անձանց դեմ։ Պատժամիջոցների տակ է հայտնվել Իրանի գլխավոր դատախազ Ահմադ Ֆազելիանը, որն, ըստ Մեծ Բրիտանիայի ԱԳ նախարարի, «պատասխանատու է անարդար դատական համակարգի համար, որը մահապատիժն օգտագործել է քաղաքական նպատակներով»։

Երկուշաբթի օրը Բրիտանիայի կողմից պատժամիջոցների ենթարկված մյուս անձանց թվում են Իրանի ցամաքային զորքերի գլխավոր հրամանատար Կիյումարս Հեյդարին, Իսլամական հեղափոխության պահապանների կորպուսի (ԻՀՊԿ) հրամանատարի տեղակալ Հոսեյն Նեջաթը, եւ Բասիջի դիմադրության ուժերը ու հրամանատարի տեղակալ Սալար Աբնուշը։