ԱՄՆ-ում 2023թ. տարեսկզբից զանգվածային հրաձգության 40 դեպք է կատարվել։ Այս մասին տեղեկացրել է Gun Violence Archive ամերիկյան հետազոտական կազմակերպությունը Թվիթերում։
Նշվել է, որ միջադեպերը տեղի են ունեցել 18 տարբեր նահանգներում։ Սրանք ամենաբարձր ցուցանիշներն են 2014-ից ի վեր, նշել է կազմակերպությունը։
Հունվարի 24-ին Յակիմա քաղաքում (Վաշինգտոնի նահանգ) հրաձգության պատճառով զոհվել է երեք մարդ, հունվարի 22-ին Մոնթերեյ քաղաքում (Կալիֆոռնիայի նահանգ)՝ 11 մարդ։
Gun Violence Archive-ի տվյալներով՝ հրաձգությունների հետեւանքով ԱՄՆ-ում անցած տարի մահացել է 43,6 հազար մարդ, այդ թվում 1,6 հազար երեխա։
Gun Violence Archive կազմակերպությունը հիմնվել է 2013թ.։ Այն ամեն օր հրապարակում է վիճակագրական տվյալներ հրազենի օգտագործմամբ միջադեպերի վերաբերյալ։