Հետաքննության նախնական տվյալները ցույց են տալիս, որ Իսրայելը առնչություն ունի իրանական Սպահանում գտնվող ռազմական գործարանի վրա անօդաչուների հարձակմանը։ Այս մասին երկուշաբթի հայտնել է Al Jazeera հեռուստաալիքը՝ վկայակոչելով Իրանի բարձրաստիճան պաշտոնյային։
«Նախնական տվյալները ցույց են տալիս, որ Իսրայելն առնչություն ունի Սպահանի ահաբեկչությանը, հետաքննությունը շարունակվելու է», - ասել է իսլամական պետության ներկայացուցիչը։ Նա նաեւ հաստատել է, որ հարձակումն իրականացրած անօդաչուները, հավանաբար, արձակվել են Իրանի տարածքից։ Ավելի վաղ նման եզրահանգման էր եկել Al Arabiya հեռուստաալիքը։