Ախալքալաք-Արագվա ճանապարհին տեղի ունեցած վթարի հետեւանքով տուժել է 6 մարդ, հայտնում է «Գռուզիա Օնլայն»-ը։

Տեղեկությունների համաձայն՝ հարսանյաց շարասյան ավտոմեքենան բախվել է հանդիպակաց մեքենային։

Երեք տուժած տեղափոխվել է Թբիլիսիի կլինիկա, եւս երեքը՝ Ախալքալաքի։ Տվյալների համաձայն՝ նրանց վիճակը ծանր չէ։

Վրաստանի ՆԳՆ-ի փոխանցմամբ՝ դեպքի առթիվ հետաքննությունն անցկացվում է Վրաստանի Քրեական օրենսգրքի 276-րդ հոդվածի 2-րդ մասով, որը ենթադրում է ճանապարհային երթեւեկության անվտանգության կամ տրանսպորտի շահագործման կանոնների խախտում։