Բելառուսի նախագահ Ալեքսանդր Լուկաշենկոն հակասություն է տեսել երկրից հեռացած եւ հայրենիք վերադառնալ ցանկացող քաղաքացիներին «ներելու» հանձնաժողով ստեղծելու սեփական գաղափարի մեջ։ Այս մասին հայտնում է Բելառուսի ղեկավարի մամուլի ծառայությունը։
Ավելի վաղ Բելառուսի ղեկավարը հրամանագիր էր ստորագրել նախկինում իրավախախտումներ կատարած եւ հայրենիք վերադառնալ ցանկացող քաղաքացիների հետ աշխատելու հանձնաժողով ստեղծելու մասին։
Քննարկելով հանձնաժողովի աշխատանքը գերագույն դատարանի նախագահ Վալենտին Սուկալոյի հետ՝ Լուկաշենկոն նշել է, որ ակնհայտ հակասություն է տեսնում գաղափարի մեջ՝ հեռացածներին առաջարկում են վերադառնալ՝ իրավախախտումները չեղարկելու դիմաց, այն դեպքում, երբ մարդկանց երկրի ներսում շարունակում են ձերբակալել եւ բանտարկել ցանկացած բողոքի ակցիայի համար:
«Այնուամենայնիվ, ըստ օրենքի, մենք դատարաններում բազմաթիվ որոշումներ ենք կայացնում՝ նման հանցագործություն կատարածներին պատժելու համար։ Այն մարդկանց համար, ովքեր այստեղ են: Ինչպե՞ս է սա տեղավորվում, չկա՞ն արդյոք այստեղ հակասություններ»,- հարց է ուղղել Լուկաշենկոն գերագույն դատարանի ղեկավարին։
Նախագահի մամուլի ծառայությունը Սուկալոյի պատասխանը չի ներկայացրել։
