ԱՄՆ-ի Նյու Յորք նահանգի հյուսիսարևմտյան հատվածում գրանցվել է վերջին 40 տարվա ամենաուժգին երկրաշարժը, հայտնում է NBC-ն։

ԱՄՆ Երկրաբանական ծառայության (USGS) տվյալներով՝ երկրաշարժը գրանցվել է երկուշաբթի՝ 11.15 UTC  (Երեւանի ժամանակով 15.15-ին) Արևմտյան Սենեկա քաղաքից երկու կիլոմետր դեպի արևելք։ Օջախը երեք կիլոմետր խորության վրա է։ Զոհերի և ավերածությունների մասին տեղեկություններ չկան։

«Երկուշաբթի առավոտյան 3,8 մագնիտուդ ուժգնությամբ երկրաշարժ է տեղի ունեցել Նյու Յորքի Բուֆալո քաղաքի մերձակայքում, որն ամենաուժեղն է վերջին 40 տարվա ընթացքում այդ տարածքում»,- ասել է հեռուստաալիքը:

1983 թվականից ի վեր Արևմտյան Սենեկայի շրջանում գրանցվել է 2,5 մագնիտուդով ավելի քան 24 երկրաշարժ, սակայն դրանցից ամենաուժեղը եղել է երկուշաբթի օրը, հայտնում է NBC-ն։