Թուրքիայի Իսկենդերուն նավահանգստում հրդեհի մարման միջոցառումները շարունակվում են, հաղորդում է A Haber հեռուստաալիքը։

Հեռուստաալիքի թղթակիցը հայտնել է, որ հրդեհի գոտուց պարբերաբար պայթյուններ են լսվում։

Նավահանգստում հրդեհը բռնկվել է փետրվարի 6-ի երեկոյան կոնտեյներներում, որոնք շրջվել են երկրաշարժի ժամանակ։ Գրեթե մեկ օր չի հաջողվել հանգցնել հրդեհը չափազանց ուժեղ կրակի պատճառով. կրակը տարածվել է մի քանի հարյուր կոնտեյներների վրա, ենթադրաբար, դրանցում պարարտանյութ է եղել։ Ներկայումս հրդեհը մարվում է ցամաքում օդից։