BMW ընկերությունը ներկայացրել է նորացված BMW X5 եւ X6 քրոսովերները։ Այս մասին հայտնում է բրենդի մամուլի ծառայությունը։
Երկու մոդելներն էլ ունեն նոր լուսարձակներ, լապտերներ եւ բամպերներ: Սրահում Sports Activity Vehicle-ում եւ Sports Activity Coupe-ում կոր վահանակ է հայտնվել, որը բաղկացած է 12,3 դյույմանոց թվային եւ 14,9 դյույմանոց մեդիա էկրանից: Բացի այդ, մոդելներն ունեն նաեւ կառավարման ավելի շատ սենսորային հատկություններ:
Մեքենաները կառաջարկվեն բենզինային եւ դիզելային շարժիչներով, ութաստիճան Steptronic Sport ավտոմատ փոխանցման տուփով եւ BMW xDrive ինտելեկտուալ լիաքարշակ համակարգով։
BMW-ն թարմացրել է նաեւ BMW X5-ի հիբրիդային տարբերակը, որն այլեւս չի կոչվում xDrive45e, այլ՝ xDrive50e: Նա ստացել է նոր հիբրիդային շարժիչ՝ 490 ձիաուժ ընդհանուր հզորությամբ։