Պաշտոնական Երեւանը Լաչինի միջանցքի բացումը նախապայման չի համարում Հայաստանի, Ռուսաստանի եւ Ադրբեջանի արտգործնախարարների մակարդակով բանակցային գործընթացներին մասնակցելու համար։ Փետրվարի 13-ին Ազգային ժողովում ճեպազրույցի ժամանակ այս մասին հայտարարեց ԱԺ արտաքին հարաբերությունների մշտական հանձնաժողովի նախագահ, իշխող «Քաղաքացիական պայմանագիր» կուսակցության պատգամավոր Սարգիս Խանդանյանը։
Նա, մասնավորապես, հիշեցրեց․ ռուսական կողմը ավելի վաղ հայտարարել էր, որ հանդիպում է նախապատրաստում արտաքին հարաբերությունների գերատեսչությունների ղեկավարների մակարդակով։ «Կմասնակցի արդյոք Հայաստանի արտգործնախարար Արարատ Միրզոյանը այս հանդիպմանը՝ կախված կլինի իրավիճակից։ Այնուամենայնիվ, մեզ համար խնդիր չկա այս կամ այն կողմի միջնորդությամբ կազմակերպվող հանդիպումներին մասնակցելու առնչությամբ, այդ թվում՝ ռուսական»,- հավելեց Խանդանյանը։