Ղազախստանի ազգային «ԿազՏրանսօյլ» ընկերությունը սկսել է ղազախական նավթի ընդունումը՝ Գերմանիա տեղափոխելու համար։ Այս մասին հայտարարել է խողովակաշարի օպերատորի մամուլի ծառայությունը:
«Այսօր՝ փետրվարի 23-ին, ղազախական նավթը Գերմանիա տեղափոխելու համար սկսվել է ղազախական նավթի ընդունումը «ԿազՏրանսօյլ» նավթամուղերի համակարգում։ Ղազախստանի Հանրապետության էներգետիկայի նախարարության կողմից հաստատված նավթի մատակարարումների ժամանակացույցի համաձայն՝ «Կազտրանսօյլ» ԲԸ-ն փետրվարին «Դրուժբա» նավթամուղով 20 հազար տոննա ղազախական նավթ է տեղափոխում մինչեւ «Ադամովա Զաստավա» նավթամուղ»,-ասվում է ընկերության հաղորդագրության մեջ:
Գերմանիայի կառավարությունը 2022 թվականի սեպտեմբերին հայտարարել է, որ բանակցություններ կվարի Ղազախստանի հետ «Դրուժբա» խողովակաշարով տեղափոխվող նավթի գնման շուրջ՝ Շվեդտ քաղաքում նավթավերամշակման գործարանների համար լրացուցիչ ծավալներ ապահովելու եւ Ռուսաստանից նավթը փոխարինելու համար։ Այժմ Ղազախստանն օգտվում է «Դրուժբա»-ով տարանցումից՝ տարեկան մոտ 10 մլն տոննա նավթ ուղարկելով Ուստ Լուգայի նավահանգստի ուղղությամբ։