Ավստրալիայի Վիկտորիա նահանգի մայրաքաղաքում՝ Մելբուռնում, ցուցարարների միջեւ բախումների ժամանակ ձերբակալվել է երեք մարդ, տեղեկացրել է Australian Associated Press-ը։
Տրանսգենդերների դեմ հանդես եկող խումբը բախման մեջ է մտել հանրահավաքում վերջինների իրավունքները պաշտպանող հարյուրավոր մադրկանց հետ։
Սփրինգ-սթրիթը եւ հարակից տարածքը փակ է մնացել մի քանի ժամ, մինչեւ որ ոստիկանները, նաեւ հեծյալ ոստիկանական սպաները, փորձել են ցրել հավաքվածներին։
Վիկտորիայի ոստիկանության ներկայացուցիչը հաստատել է, որ ձերբակալվել է երեք մարդ։
22-ամյա մի տղամարդ Փոյնտ Քուկից ձերբակալվել է այն պատճառով, որ, իբր, կին սպային հրել եւ գցել է գետին, իսկ 23-ամյա մի կին Թորնբերիից ձերբակալվել է, որովհետեւ իբր հարվածել է ոստիկանի պարանոցին։
Սպասվում է, որ երկուսին էլ բազմաթիվ իրավախախտումների մեղադրանք կներկայացվի, ներառյալ՝ ոստիկանների վրա հարձակումը։
Ոստիկան սպաները չեն տուժել։
